محکمہ ایکسائز اسلام آباد نے گاڑی کی ملکیتی نمبر پلیٹ کا اجرا کردیا

جمعہ 18 جولائی 2025 21:20

اسلام آباد (اُردو پوائنٹ اخبارتازہ ترین - این این آئی۔ 18 جولائی2025ء)محکمہ ایکسائز اسلام آباد نے گاڑی کی ملکیتی نمبر پلیٹس کا اجرا کردیا۔نوٹیفکیشن کے مطابق ایکسائز ڈپارٹمنٹ ٹرانسفر کی گئی گاڑی کو نیا نمبر جاری کرے گا۔جاری نوٹیفکیشن میں بتایا گیا ہے کہ گاڑی کو جاری ہونے والا نمبر مالک سے مستقل منسلک ہو گا۔

(جاری ہے)

ملکیتی نمبر پلیٹ کے فیصلے کا اطلاق نوٹیفکیشن کے اجرا سے قبل اور بعد کے نمبرز پر ہو گا۔

نوٹیفکیشن میں بتایا گیا ہے کہ گاڑی فروخت کرنے والا رجسٹریشن نمبر اسلام آباد ایکسائز کو جمع کرائے گا، مالک گاڑی کا نمبر ایک سال تک بلا استعمال اپنے نام رکھ سکے گا۔ڈائریکٹر ایکسائز کے مطابق گاڑی کی رجسٹریشن پر نمبر پلیٹ ملکیتی بنیاد پرجاری ہو گی، ایک سال میں عدم استعمال پر گاڑی نمبر منسوخ ہو جائے گا۔