آئی جی پنجاب کی جانب سے پولیس ملازمین و اہلخانہ کے علاج کیلئے مزید 27 لاکھ روپے کے فنڈز جاری

ہفتہ 19 جولائی 2025 23:20

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) انسپکٹر جنرل پولیس پنجاب ڈاکٹر عثمان انور نے پولیس ملازمین اور انکے اہلخانہ کے علاج معالجے کیلئے مزید 27 لاکھ روپے کے فنڈز جاری کر دیئے۔ ترجمان پنجاب پولیس نے بتایا کہ مرحوم اے ایس آئی شاہد محمود کی بیوہ کے عارضہ دل اور کانسٹیبل محمد ادریس کو بائیں ٹانگ کی سرجری کیلئے 05 لاکھ روپے فی کس فنڈز جاری کیے گئے۔

اسی طرح اے ایس آئیز شکیل احمد، زاہد محمود اور ٹریفک وارڈن عظمت علی کو علاج معالجے کی مد میں 02 لاکھ روپے فی کس ، اے ایس آئی محمد اسلم اور کانسٹیبل سعید اکبر کو علاج معالجے کیلئے ڈیڑھ لاکھ روپے فی کس ، ریٹائرڈ اسسٹنٹ ڈائریکٹر لیاقت علی، انسپکٹر محمد ریاض، ہیڈ کانسٹیبلز محمد احمد، کانسٹیبلز قیصر بشیر اور گل زمان کو علاج معالجے کی مد میں کیلئے ایک لاکھ روہے فی کس، ، آفس سپرنٹنڈنٹ عبدالحفیظ، اے ایس آئی مکینک جاوید اقبال، اے ایس آئیز محمد شکیل اور اعجاز احمد کو علاج معالجے کی مد میں مجموعی طور پر 03 لاکھ روپے دیئے گئے۔

(جاری ہے)

ترجمان کے مطابق آئی جی پنجاب نے میڈیکل فنانشل اسسٹنس کمیٹی سکروٹنی کے بعد فنڈ اجرا کی منظوری دی۔ ڈاکٹر عثمان انور کا کہناہے کہ مختلف اداروں کے ساتھ ایم او یوز کے تحت بھی ملازمین کو علاج کی بہترین سہولیات فراہم کر رہے ہیں۔