شہری اشیا کی خریداری سے قبل تاریخ اجرا اور تنسیخ ضرور چیک کریں، عاصم جاوید

اتوار 20 جولائی 2025 22:50

لاہور (اُردو پوائنٹ اخبارتازہ ترین - اے پی پی۔ 20 جولائی2025ء) خوراک کے معیار پر نو کمپرومائز پالیسی کے تحت بلاتعطل آپریشن جاری ہیں، ڈی جی فوڈ اتھارٹی کے حکم پر فوڈ سیفٹی ٹیموں کا لاہور قصور روڈ پر آپریشن، 540لٹر کولڈ ڈرنکس، 420لٹر فلیورز، گیس سلنڈرز، فلنگ مشین، خالی بوتلیں ضبط کر لی گئی جبکہ 60لیٹر تیار محلول تلف کر کے جعلسازی پر مقدمہ درج کروا دیا گیا۔

علاوہ ازیں ملتان روڈ پر واقع معروف فوڈ یونٹ پر چھاپہ مارا اور سابقہ دی گئی ہدایات پر عمل درآمد نہ ہونے پر 2لاکھ روپے جرمانہ عائد کیا گیا۔

(جاری ہے)

تفصیلات کے مطابق جعلی کولڈ ڈرنکس یونٹ میں معروف برانڈ کی جعلی کولڈ ڈرنکس تیار کی جارہی تھی،ممنوعہ کیمیکل، غیر معیاری فلیور اور غیر منظور شدہ فارمولا استعمال کیا جارہا تھا، معروف فوڈ یونٹ میں صفائی کے ناقص انتظامات اور حشرات کی بھرمار پائی گئی، ڈی جی نے بتایا گندا فرش، بدبودار ماحول، زنگ آلود مشینری، دیواروں سے پینٹ گر رہا تھا،مین وئیر ہاوس سٹوریج سیکشن میں چھپکلیاں موجود تھی، حشرات کی روک تھام کیلئے مناسب اقدامات نہ تھے،ملازمین کے میڈیکل نامکمل، ٹریننگ سرٹیفکیٹس عدم موجود پائے گئے، وزیر اعلی مریم نواز کے ویژن کے مطابق جعلسازی اور ملاوٹ میں ملوث عناصر کا قلع قمع کریں گے، ڈی جی فوڈ نے کہا شہری اشیا کی خریداری سے قبل تاریخ اجرا اور تنسیخ ضرور چیک کریں،خوراک کے متعلق کسی قسم کی شکایت کی صورت میں 1223پر اطلاع دیں۔