حمیرا اصغر کے واٹس ایپ سے ان کی ڈی پی موت کے 4 ماہ بعد 5 فروری 2025 کو تبدیل ہوئی،اداکارہ کے کیس میں مزید اہم انکشافات

اداکارہ کی موت کے بعد ان کا موبائل فون استعمال کیا گیا، ڈی پی ہٹ جانا اور لاسٹ سین غائب ہونا موبائل استعمال کئے بغیر ممکن نہیں، اداکارہ حمیرا اصغر کے اسٹائلسٹ دانش مقصود نے پولیس کو اہم معلومات دیدیں

فیصل علوی پیر 21 جولائی 2025 10:23

حمیرا اصغر کے واٹس ایپ سے ان کی ڈی پی موت کے 4 ماہ بعد 5 فروری 2025 کو تبدیل ..

کراچی(اردوپوائنٹ اخبار تازہ ترین۔21جولائی 2025)حمیرا اصغر کے واٹس ایپ سے ڈی پی ان کی موت کے تقریبا 4 ماہ بعد 5 فروری 2025 کو تبدیل ہوئی،اداکارہ کے کیس میں مزید اہم انکشافات سامنے آگئے، اداکارہ حمیرا اصغر کے اسٹائلسٹ دانش مقصود نے پولیس کو اہم معلومات دیدیں،سٹائلسٹ دانش مقصود نے پولیس کو بیان میں بتایا کہ حمیرا اصغر کی موت کے بعد ان کا موبائل فون استعمال کیا گیا اداکارہ کے سٹائلسٹ دانش مقصود کے مطابق حمیرا کے موبائل فون کا لاسٹ سین 5 فروری 2025 تک نظر آرہا تھا۔

5 فروری تک حمیرا اصغر کے واٹس ایپ پر ڈی پی بھی شو ہورہی تھی۔5 فروری کے بعد حمیرا اصغر کالاسٹ سین نظر آنا بند ہوگیا۔واٹس ایپ پر لاسٹ سین کی آخری تاریخ 7 اکتوبر 2024 تھی۔دانش مقصود نے بتایا کہ 5 فروری کے حمیرا اصغر کے موبائل فون سے اس کی ڈی پی بھی ہٹ گئی۔

(جاری ہے)

ڈی پی ہٹ جانا اور لاسٹ سین غائب ہونا موبائل استعمال کئے بغیر ممکن نہیں۔حمیرا کے اسٹائلسٹ دانش مقصود نے 5 فروری کو گمشدگی کے حوالے سے پوسٹ کی۔

دانش مقصود نے دعویٰ کیا کہ گمشدگی کی پوسٹ کے بعد سے ڈی پی غائب ہوگئی۔ پوسٹ کے بعدلاسٹ سین بھی نظر آنا بند ہوگیا۔اداکارہ حمیرا کے اسٹائلسٹ کا مزید کہنا تھا کہ اس حوالے سے پولیس کو تمام تر تفصیلات فراہم کردی گئی ہیں۔سٹائلسٹ دانش مقصود نے دعویٰ کیا کہ اس نے 5 فروری کو حمیرا کی گمشدگی کے حوالے سے پوسٹ کی گمشدگی کی پوسٹ کے بعد سے ڈی پی غائب ہوگئی۔

میری پوسٹ کے بعد لاسٹ سین بھی نظر آنا بند ہوگیا، اس حوالے سے پولیس کو تمام تر تفصیلات فراہم کردی گئی ہیں۔اس حوالے سے ڈی آئی جی ساؤتھ اسد رضا نے بتایا کہ دانش مقصود سے رابطہ کرلیا گیا ہے اور ان سے حمیرا اصغر کے حوالے سے دستیاب تمام معلومات حاصل کر لی گئی ہیں۔ڈی آئی جی کے مطابق اس نئے پہلو پر بھی باقاعدہ تحقیقات کا آغاز کر دیا گیا ہے تاکہ حقائق کو سامنے لایا جا سکے۔ اس سے قبل پولیس تحقیقات میں یہ بات سامنے آئی تھی کہ اداکارہ کے واٹس ایپ پر لاسٹ سین کی تاریخ 7 اکتوبر 2024 تھی۔