افغانستان ،انسدادپولیو مہم شروع ،73لاکھ بچوں کو ویکسین دی جائیگی

وزارت صحت عامہ تمام حفاظتی اقدامات کے نفاذ کے ذریعے متعدی بیماریوں سے لڑنے کی کوشش کر رہی ہے،شرافت زمان امرخیل

پیر 21 جولائی 2025 21:33

کابل(اُردو پوائنٹ اخبارتازہ ترین - این این آئی۔ 21 جولائی2025ء)افغانستان میں 4روزہ انسدادپولیو مہم کا آغاز ہو گیا ،جو 24جولائی جمعرات تک جاری رہے گی۔ غیرملکی خبررساں ادارے کے مطابق افغانستان کی وزارت صحت عامہ کے ترجمان شرافت زمان امرخیل نے بتایا کہ مہم کے دوران 19صوبوں کے پانچ سال سے کم عمر کے 73لاکھ بچوں کو پولیو سے بچائو کے قطرے پلائے جائیں گے۔

(جاری ہے)

انہوں نے قبائلی عمائدین، مذہبی علما اور والدین پر زور دیا کہ وہ اس مہم میں حصہ لیں اور پولیو ورکرز کے ساتھ مکمل تعاون کریں تاکہ مہم کو موثر طریقے سے مکمل کیا جا سکے۔انہوں نے کہاکہ وزارت صحت عامہ تمام حفاظتی اقدامات کے نفاذ کے ذریعے متعدی بیماریوں سے لڑنے کی کوشش کر رہی ہے،پولیو ویکسی نیشن مہم کے ذریعے ہمارا مقصد افغانستان میں پولیو کے پھیلا کو روکنا ہے۔