عمران کو جیل میں رکھنے میں موجودہ پی ٹی آئی قیادت کا اہم کردار ہے، فواد چوہدری

عمران خان باہر آئے تو ان کی لیڈری ختم ہوجائے گی، بانی کے بیٹے آجائیں تو صورتحال مختلف ہو سکتی ہے، میڈیا سے گفتگو

پیر 21 جولائی 2025 21:00

عمران کو جیل میں رکھنے میں موجودہ پی ٹی آئی قیادت کا اہم کردار ہے، ..

لاہور (اُردو پوائنٹ اخبارتازہ ترین - این این آئی۔ 21 جولائی2025ء)سابق وفاقی وزیر فواد چوہدری نے کہا ہے کہ ملک میں مزید سیاسی پارٹیوں کی گنجائش نہیں ہے، جو بھی سیاسی جماعت بنے گئی اس کی حیثیت ریحام خان کی پارٹی جیسی ہوگی، مستقبل کی سیاست بانی پی ٹی آئی کے ساتھ ہے۔

(جاری ہے)

لاہور ہائیکورٹ میں میڈیا سے گفتگو کرتے ہوئے انہوں نے کہا کہ پی ٹی آئی قیادت سینیٹ کی بندر بانٹ میں مصروف ہے، سیٹیں کم زیادہ ہونا اس وقت مسئلہ نہیں ہے اصل مسئلہ بانی پی ٹی آئی کی رہائی ہے، موجودہ پی ٹی آئی لیڈرز نے بانی پی ٹی آئی کو پابند سلاسل میں رکھنے میں کردار ادا کیا ہے، الزام ہے کہ لیڈر شپ نہیں چاہتی کہ بانی باہر آئیں ورنہ ان کی لیڈری ختم ہو جائے گئی۔

فواد چوہدری نے کہا کہ موجودہ لیڈر شپ کوئی تحریک نہیں چلاسکتی، بانی کے بیٹے آجائیں تو اپوزیشن مختلف ہو سکتی ہے۔ انہوں نے کہا کہ عالیہ حمزہ کا تحریک میں کوئی کردار نہیں ہے، سیاسی حکمت عملی کا فقدان ہے جس کی وجہ سے لوگ باہر نہیں نکلتے۔