بھارتی نائب صدر جگ دیپ دھنکھر نے عہدے سے استعفیٰ دے دیا

ْاستعفیٰ مون سون سیشن کے پارلیمنٹ کے اجلاس کے پہلے ہی دن آیا جو حیران کن ہے،بھارتی میڈیا

پیر 21 جولائی 2025 22:25

نئی دہلی(اُردو پوائنٹ اخبارتازہ ترین - این این آئی۔ 21 جولائی2025ء)بھارتی نائب صدر اور بھارتی راجیہ سبھا (ایوان بالا)کے چیئرمین جگ دیپ دھنکھر عہدے سے مستعفی ہوگئے۔نئی دہلی سے بھارتی میڈیا کے مطابق بھارتی ریاست راجستھان سے تعلق رکھنے والے 74سالہ جگ دیپ دھنکھر نے طبی مسائل کو استعفیٰ دینے کی وجہ بتایا ہے۔

(جاری ہے)

جگ دیپ دھنکھر 2022سے نائب صدر کے عہدے پر موجود تھے۔ بھارتی میڈیا کے مطابق اب بھارتی پارلیمنٹ نئے نائب صدر کا انتخاب کرے گی۔ بھارتی میڈیا کے مطابق نئے نائب صدر کے انتخاب تک جگدیپ دھنکھر ذمہ داریاں نبھائیں گے۔بھارتی میڈیا اداروں کے مطابق ان کا استعفیٰ مون سون سیشن کے پارلیمنٹ کے اجلاس کے پہلے ہی دن آیا جو حیران کن ہے۔