متحدہ عرب امارات کا آٹھواں بحری جہاز غزہ متاثرین کےلیے امدادی سامان لے کر روانہ

منگل 22 جولائی 2025 08:30

دبئی (اُردو پوائنٹ اخبارتازہ ترین - اے پی پی۔ 22 جولائی2025ء) متحدہ عرب امارات نے غزہ کے متاثرین کےلیے جاری مہم کے ایک حصے کے طور پر ہزاروں ٹن امدادی سامان سے لدا آٹھواں بحری جہاز روانہ کیا ہے۔وام کے مطابق امارات کا آٹھواں بحری جہاز ’خلیفہ‘ پیر کو خلیفہ پورٹ ابوظبی سے مصری پورٹ العریش کی جانب روانہ ہو گیا۔یہ بحری جہاز اب تک امارات کی جانب سے روانہ کیے گئے امدادی جہازوں میں سب سے بڑا ہے۔

(جاری ہے)

اس پر 7 ہزار 166 ٹن امدادی سامان لدا ہے، جس میں 6 ہزار 372 ٹن خوراک، ایک ہزار433 ٹن شیلٹرز میٹریل، 860 ٹن طبی سامان اور 501 ٹن ہیلتھ سپلائز شامل ہیں۔اماراتی حکام کے مطابق آٹھویں بحری جہاز کی روانگی کے بعد غزہ بھیجے جانے والے امدادی سامان کا مجموعی حجم بڑھ کر77 ہزار266 ٹن ہوگیا ہے۔یاد رہے امارات کے صدر شیخ محمد بن زاید آل نہیان کی ہدایت پرغزہ متاثرین کےلیے امدادی مہم چلائی جا رہی ہے۔ یہ اقدام متحدہ عرب امارات کی قیادت کی جانب سے انسانی ہمدردی کے اقدامات کا حصہ ہے۔