انگلینڈ اور اٹلی کی ٹیموں کے درمیان یوئیفا ویمنزفٹ بال چیمپئن شپ کا پہلا سیمی فائنل (کل )کھیلا جائے گا

منگل 22 جولائی 2025 20:17

جنیوا(اُردو پوائنٹ اخبارتازہ ترین - این این آئی۔ 22 جولائی2025ء)دفاعی چیمپئن انگلینڈ اور اٹلی کی خواتین ٹیموں کے درمیان یوئیفا ویمنزفٹ بال چیمپئن شپ کا پہلا سیمی فائنل (کل)بدھ کو سٹیڈ ڈی جنیوا،جنیوا کے مقام پر کھیلا جائے گا۔یونین آف یورپین فٹ بال ایسوسی ایشن کے زیر اہتمام سوئٹزرلینڈ میں جاری یوئیفا ویمنز فٹ بال چیمپئن شپ کی سیمی فائنل لائن اپ مکمل ہوچکی ہے۔

دفاعی چیمپئن انگلینڈ،اٹلی، جرمنی اور سپین کی ویمنز ٹیمیں سیمی فائنل رائونڈ میں پہنچ چکی ہیں۔ یوئیفا ویمنزفٹ بال چیمپئن شپ کا سیمی فائنل رائونڈ کا پہلا میچ (آج) بدھ کو سٹیڈ ڈی جنیوا،جنیوا کے مقام پر کھیلا جائے گا۔یوئیفا ویمنزفٹ بال چیمپئن شپ کے میچز کا سلسلہ سوئٹزرلینڈ میں جاری ہے جس میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔

(جاری ہے)

میگا ایونٹ کے پہلے سیمی فائنل میچ میں کروشیا ے تعلق رکھنے والی ایوانا مارٹینیچ میچ ریفری ہوں گی۔پہلے سیمی فائنل کی ٹیموں کی کپتانوں نے میچ میں کامیابی کے لئے بیانات دیئے ہیں ، اس لئے میچ کانٹے دار ہونے کی توقع کی جارہی ہے۔یوئیفا ویمنزفٹ بال چیمپئن شپ کا دوسرا سیمی فائنل میچ 23 جولائی کو جرمنی اور سپین کی ویمنز ٹیموں کے درمیان سٹیڈیون لیٹزگرنڈ، زیورخ میں کھیلا جائے گا۔ یوئیفا ویمنزفٹ بال چیمپئن شپ کا فائنل میچ 27 جولائی کو کھیلا جائے گا۔