تیسرے ٹی ٹوئنٹی میں پاکستان بنگلہ دیش کو اچھا ہدف دینے میں کامیاب

تیسرے اور آخری ٹی 20 میچ میں پاکستان نے بنگلادیش کو جیت کیلئے 179 رنز کا ہدف دے دیا

محمد علی جمعرات 24 جولائی 2025 19:04

ڈھاکہ (اُردو پوائنٹ اخبارتازہ ترین۔ 24 جولائی2025ء)تیسرے ٹی ٹوئنٹی میں پاکستان بنگلہ دیش کو اچھا ہدف دینے میں کامیاب. تیسرے اور آخری ٹی 20 میچ میں پاکستان نے بنگلادیش کو جیت کیلئے 179 رنز کا ہدف دے دیا۔ میرپور کے شیر بنگلا کرکٹ سٹیڈیم میں ہونیوالی ٹی 20 سیریز کے تیسرے اور آخری میچ میں میزبان ٹیم کے کپتان لٹن داس نے ٹاس جیت کر مہمان ٹیم کے کپتان سلمان علی آغا کو بیٹنگ کی دعوت دی ہے۔

(جاری ہے)

پہلے بیٹنگ کرتے ہوئے پاکستان نے مقررہ 20 اوورز میں 7 وکٹوں کے نقصان پر 178 رنز بنائے، صاحبزادہ فرحان 63 رنز کیساتھ نمایاں رہے۔مہمان ٹیم کی جانب سے صائم ایوب نے 21، محمد حارث نے 5، حسن نواز نے 33، حسین طلعت نے ایک ، محمد نواز نے 27 اور فہیم اشرف نے 4 رنز کی اننگز کھیلی جبکہ کپتان سلمان علی آغا 12 رنز کیساتھ ناقابل شکست رہے۔ پاکستان کی پلیئنگ الیون میں 2 تبدیلیاں کی گئی ہیں، فخر زمان کی جگہ اوپنر بلے باز صاحب زادہ فرحان کو اسکواڈ کا حصہ بنایا گیا ہے جبکہ خوش دل شاہ کو آرام دے کر حسین طلعت کو حتمی الیون میں شامل کیا گیا ہے۔