افغان کرکٹر محمد نبی کو بیٹے نے پہلی ہی گیند پر چھکا مار دیا، ویڈیو وائرل

حسن عیسیٰ خیل کی شاندار بلے بازی اور والد کو پہلی ہی گیند پر چھکا مارنے پر فینز ان کی صلاحیتوں کو خوب سراہ رہے ہیں

ذیشان مہتاب بدھ 23 جولائی 2025 12:20

افغان کرکٹر محمد نبی کو بیٹے نے پہلی ہی گیند پر چھکا مار دیا، ویڈیو ..

کابل (اردو پوائنٹ تازہ ترین اخبار ۔ 23 جولائی 2025ء ) افغان کرکٹر محمد نبی کو اُن کے بیٹے حسن عیسیٰ خیل نے پہلی ہی گیند پر چھکا مار کر حیران کردیا، عیسیٰ خیل کے زبردست شارٹ کی ویڈیو سوشل میڈیا پر وائرل ہو گئی۔

افغان کرکٹ بورڈ کے زہر اہتمام مقامی ٹی 20 لیگ کا دسواں ایڈیشن کابل میں جاری ہے، جس کے آٹھویں میچ میں اے ایم او شارکس اور میزے عینک کی ٹیمیں ایک دوسرے کے مدمقابل تھیں۔

میزے عینک کی نمائندگی کرنے والے محمد نبی نے جب حریف ٹیم کے بیٹر اور اپنے بیٹے کا سامنا کیا تو انہیں حیران کن پر بیٹے عیسیٰ خیل نے پہلی ہی گیند پر زور دار چھکا مار دیا، جسے نہ صرف میدان میں بیٹھے شائقین بلکہ سوشل میڈیا پر بھی زبردست انداز میں پذیرائی مل رہی ہے۔

A Son vs. Father moment, followed by some delightful strokes from Hassan Eisakhil to bring up his half-century. 🤩👏

President @MohammadNabi007 is being clobbered by his son, Hassan Eisakhil, for a huge six! 🙌#Shpageeza | #SCLX | #XBull | #Etisalat | #ASvMAK pic.twitter.com/YmsRmTKeGc
— Afghanistan Cricket Board (@ACBofficials) July 22, 2025

ویڈیو سامنے آنے کے بعد سوشل میڈیا پر صارفین نہ صرف عیسیٰ خیل کے بلے بازی کی صلاحیتوں کو سراہا رہے ہیں بلکہ والد کو پہلی ہی گیند پر چھکا مارنے پر بھی اُن کی تعریف کر رہے ہیں۔

(جاری ہے)

سماجی رابطے کی سائٹ ’ایکس‘ پر صارف مفدل وہرا نے لکھا کہ بیٹا والد کو چھکا مار رہا ہے، حسن عیسیٰ خیل نے اپنے والد محمد نبی کو چھکے کے ساتھ خوش آمدید کہا۔

کرک جنید نامی صارف نے لکھا کہ ’کرکٹ کا نایاب منظر، باپ بمقابلہ بیٹا، حسن عیسیٰ خیل نے اپنے والد محمد نبی کی گیند پر چھکا جڑ دیا، اس سے زیادہ دل کو چھو لینے والا (اور ساتھ ہی بے رحم) لمحہ اور کیا ہو سکتا ہے‘۔