لاہور پولیس کی کامیاب کارروائی، کراچی پولیس کو مطلوب اشتہاری ملزم گرفتار

بدھ 23 جولائی 2025 20:30

لاہور (اُردو پوائنٹ اخبارتازہ ترین - اے پی پی۔ 23 جولائی2025ء) لاہور کے داخلی و خارجی راستوں پر سخت نگرانی کے عمل کے دوران موبائلز سکواڈ لاہور نے کارروائی کرتے ہوئے کراچی پولیس کو مطلوب ایک فراڈیے کو گرفتار کر لیا۔

(جاری ہے)

ترجمان پولیس کے مطابق ناکہ شیرا کوٹ نے کارروائی کر کے22 مقدمات میں مطلوب اشتہاری گرفتار کر لیا،اشتہاری پر فراڈ،دھوکہ دہی و دیگرمختلف سنگین جرائم کے22 مقدمات درج تھے،ملزم 22 مقدمات میں سے20 مقدمات میں اشتہاری ہے،اشتہاری سندھ پولیس کو 22 مقدمات میں مطلوب ہے،اشتہاری پناہ حاصل کرنے کے لیے لاہور آیا تھا۔ناکہ شیرا کوٹ پر سخت وکڑی نگرانی کے دوران اشتہاری کودھر لیا گیا،اشتہاری فرحان کو قانونی کارروائی کیلئے تھانہ شیراکوٹ کے حوالے کردیاگیا۔