oڈویژنل پولیس کا منشیات وشراب فروشوں کے خلاف کریک ڈائون

%لاہور (اُردو پوائنٹ اخبارتازہ ترین - آن لائن۔ 23 جولائی2025ء) ماڈل ٹاؤن ڈویژن پولیس شراب فروشوں کیخلاف اِن ایکشن ، نصیر آباد پولیس نے خفیہ اطلاع پر ریلوے لائنز کے قریب سے شراب فروش کو گرفتار کر لیا۔ شراب فروش کی شناخت اشرف کے نام سے ہوئی۔ ملزم اشرف کے قبضہ سے 100 لیٹر دیسی شراب برآمدہے۔ابتدائی تفتیش کے دوران ملزم نے آن لائن آرڈر پر لاہور کے مختلف علاقوں میں شراب سپلائی کرنے کا اعتراف کیا۔

اسی طرح چوکی لکھوکی کاہنہ پولیس نے 10 سالہ بچے سے بد فعلی کے مرتکب ملزم کوگرفتار کر لیا۔ ملزم کی شناخت حسن کے نام سے ہوئی۔ ملزم نے کم عمر بچے کو ورغلا کر کھیتوں میں لیجا کر بدفعلی کی۔ انٹیلی جنس بیسڈ کارروائی کے دوران ملزم کودھلوکی گائوں سے گرفتار کیا گیا۔ ملزم حسن کیخلاف مقدمہ درج کت کے جینڈر سیل کے حوالے کر دیا گیا۔

(جاری ہے)

سٹی ڈویژن پولیس کا احسن اقدامات کا سلسلہ جاری، راوی روڈ پولیس نے فیصل آباد سے لاپتہ ہونے والے بچے حمزہ کو بحفاظت اسکے چچا کے سپرد کر دیا۔

اسی طرح داتا دربار پولیس نے رحیم یار خان سے آئے زائرین کو اسکا دولاکھ روپے مالیت کا موبائل تلاش کر کے حوالے کر دیاجبکہ مزید کارروائی کرتے ہوئے 4 سالہ بچے حسن کوبھی تلاش کر کے والد کے سپرد کیا۔داتا دربار پولیس نے تاش پر سٹے بازی کرتی6 ملزمان بھی گرفتارکر لیئے۔ گرفتار ملزمان میں ایوب،رفیق،حسن،افضل،نیاز اور واجد شامل ہیں۔ ملزمان کے قبضہ سے داؤ پر لگی نقد رقم، موبائل اور تاش کے پتے برآمدکئے گئے۔

علاوہ ازیں ایس پی سٹی بلال احمدنے تھانہ شاہدرہ اور اسلام پورہ کا سرپرائز وزٹ کیا۔ انہوںنے SIPS تھانوں کے مختلف سیکشنز کا معائنہ کیا۔ اس موقع پر متعلقہ ایس ایچ اوز موجودتھے۔ بلال احمد نے دوران وزٹ حوالات کا جائزہ لیا اور بند قیدیوں سے استفسارکیا۔ انہوںنے تھانہ میں آئے عوام الناس کے مسائل سنے اور سیکیورٹی پر مامور جوانوں کو چیکاور بریف کیا۔

ایس پی کینٹ کیپٹن ریٹائرڈ قاضی علی رضا کی ہدایت پر منشیات فروشوں کے گرد گھیرا تنگ، تھانہ ہیئر پولیس نے خفیہ اطلاع پر دوران پٹرولنگ مختلف مقامات سے 04 منشیات فروش گرفتار کر لیئے۔ گرفتار ملزمان میں سرور، زاہد، فیصل اور عمران شامل ہیں۔ منشیات فروشوں کو سپلائی دیتے ہوئے رنگے ہاتھوں گرفتارکیا گیا۔ ملزمان کے قبضہ سے 03 کلو چرس اور 50 لیٹر دیسی زہریلی شراب برآمدہوئی۔

گرفتارملزمان نے لاہور کے مضافاتی علاقوں میں منشیات بیچنے کا اعتراف کیا۔ سول لائنز ڈویژن انسدادمنشیات کیلئے پُرعزم ،مزنگ پولیس 24 گھنٹوں کے دوران 3 منشیات فروش گرفتار کر لیئے۔ گرفتار منشیات فروشوں میں علی ، کاشف اور فیصل شامل ہیں۔ ملزم علی عرف مانی کے قبضے سے 1 کلو 40 گرام چرس ، کاشف سے 720 گرام چرس جبکہ ملزم فیصل کے قبضے سے 540 گرام آئس برآمد ہوئی۔

اقبال ٹاؤن ڈویژن کا منشیات فروشوں کے خلاف کریک ڈاؤن جاری ، سمن آباد پولیس نے ریکارڈ یافتہ منشیات فروش ندیم عباس عرف سونا چاندی سمیت 05 ملزمان گرفتارکر لیئے۔ ملزمان ندیم عباس، عرفان، فہد، عامر اور شہروزکو مختلف مقامات سے گرفتارکیا گیا۔ گرفتار ملزمان سے مجموعی طور پر لاکھوں روپے مالیت کی 01 کلو آئس اور 01 کلو سے زائد چرس برآمد ہوئی۔

ملزمان تعلیمی اداروں اور گلی محلوں میں آئس و چرس فروخت کرتے تھے۔ علاوہ ازیں ایس پی اقبال ٹاؤن ڈاکٹر محمد عمر نے میٹ دی فورس پروگرام کے تحت مختلف تھانہ جات کے پولیس اہلکاروں سے ملاقات کی۔ انہوںنے اہلکاروں کے مسائل سنے اور فوری حل کرنے کے احکامات جاری کئے۔ڈاکٹر محمد عمرکا اس موقع پر کہنا تھا کہ محکمہ پولیس میں اہلکاروں کا اہم کردار ہے ان کے بغیر محکمہ نامکمل ہے۔ پولیس اہلکاروں کی ڈیوٹی اور نجی زندگی کے متعلق درپیش مسائل کو اولین ترجیحات پر دیکھا جا رہا ہی