وفاقی وزیر اطلاعات عطاء اللہ تارڑ اور وزیر مملکت برائے داخلہ طلال چوہدری کی سینئر صحافی عمر چیمہ کی والدہ کی نماز جنازہ میں شرکت

بدھ 23 جولائی 2025 23:50

اسلام آباد (اُردو پوائنٹ اخبارتازہ ترین - اے پی پی۔ 23 جولائی2025ء) وفاقی وزیر اطلاعات و نشریات عطاء اللہ تارڑ اور وزیر مملکت برائے داخلہ طلال چوہدری نے بدھ کو سینئر صحافی عمر چیمہ کی والدہ کی نماز جنازہ میں شرکت کی۔

(جاری ہے)

وفاقی وزراء نے اس موقع پر عمر چیمہ سے ان کی والدہ کے انتقال پر تعزیت کا اظہار کیا اور مرحومہ کے ایصال ثواب کے لئے فاتحہ خوانی کی۔ انہوں نے کہا کہ ماں کا سایہ دنیا کی سب سے بڑی نعمت ہوتا ہے۔ وفاقی وزراء نے دعا کی کہ اللہ تعالیٰ مرحومہ کو غریق رحمت فرمائے، ان کی مغفرت کرے اور پسماندگان کو یہ صدمہ صبر و ہمت سے برداشت کرنے کی توفیق دے۔ آمین