روس اور بیلاروس کے تعلقات میں اہم پیشرفت، شہریوں کو باہمی انتخابی حقوق حاصل

جمعرات 24 جولائی 2025 17:02

ماسکو(اُردو پوائنٹ اخبارتازہ ترین - این این آئی۔ 24 جولائی2025ء)روس اور بیلاروس کے درمیان قریبی تعلقات ایک نئے سنگِ میل پر پہنچ گئے ۔روسی صدرولادیمیرپیوٹن نے ایک تاریخی قانون پردستخط کردیے ہیں جس کے تحت دونوں ممالک کے شہریوں کو ایک دوسرے کے ہاں انتخابی حقوق حاصل ہوں گے۔

(جاری ہے)

اس قانون کے تحت روس میں مقیم بیلاروسی شہری نہ صرف ووٹ ڈال سکیں گے بلکہ انتخابات میں بطورامیدواربھی حصہ لے سکیں گے اسی طرح بیلاروس میں رہنے والے روسی شہریوں کوبھی ووٹنگ اورالیکشن لڑنے کا حق حاصل ہوگا۔یہ پیشرفت دونوں ہمسایہ ممالک کے درمیان سیاسی وسماجی ہم آہنگی کومضبوط کرنے کی کوششوں کا حصہ ہے۔