سعودی رائل ریزرو نے تین نئے ماحولیاتی منصوبوں کا آغاز کردیا

ماحولیاتی منصوبے روئیدگی اور جنگلی حیات میں اضافے کا باعث بنیں گے،رپورٹ

پیر 8 ستمبر 2025 14:34

سعودی رائل ریزرو نے تین نئے ماحولیاتی منصوبوں کا آغاز کردیا

ریاض(اُردو پوائنٹ اخبارتازہ ترین - این این آئی۔ 08 ستمبر2025ء)سعودی عرب میں کنگ عبدالعزیز رائل ریزرو ڈیویلپمنٹ اتھارٹی نے قدرتی وسائل کو محفوظ بنانے کی کوششوں کو مضبوط کرنے کے لیے تین نئے ماحولیاتی منصوبوں کا آغاز کیا ہے۔عرب ٹی وی کے مطابق یہ انیشٹِیوز، قدرتی وسائل کو بہتر بنانے کے علاوہ روئیدگی اور جنگلی حیات میں اضافے کا باعث بنیں گے اور پائیدار تحقیق اور ماحولی سیاحت کو فروغ دیں گے۔

پہلے منصوبے کے تحت ریزرو کے اندر دو ہزار ہیکٹر زمین پر وسیع پیمانے پر جنگلات اگائے جائیں گے۔

(جاری ہے)

تا حال ریزرو میں دو لاکھ 70 ہزار درخت اور جھاڑیاں لگائیں گئی ہیں جبکہ مقامی ایسوسی ایشنز کو اس مہم کے تحت 30 ہزار پودے دیے جائیں گے۔دوسرے منصوبے میں 2450 مربع میٹر پر پھیلے ہوئے تنہت کے سبزہ زار کو نصف قدرتی نخلستان میں تبدیل کیا جائے گا۔تیسرا منصوبہ حفاظتی رکاوٹیں، گیٹ اور نام کی تختیاں لگانے سے متعلق ہے تاکہ یہاں سیاحت کی غرض سے آنے والوں کیلیے بہتر انتظام ہو سکے اور علاقے کو محفوظ رکھا جا سکے۔تینوں منصوبے مملکت کے وژن 2030 اورسعودی گرین انیشٹِیو کے مطابق ہیں جو اس رائل ریزرو کو پائیدار ماحولیاتی ترقی کا ایک ماڈل اور سیاحت کی کلیدی منزل میں تبدیل کریں گے۔