روس میں مسافر طیارہ گر کرتباہ، تمام مسافر ہلاک

جمعرات 24 جولائی 2025 17:05

ماسکو (اُردو پوائنٹ اخبارتازہ ترین - اے پی پی۔ 24 جولائی2025ء) روسی مسافر طیارہ جمعرات کو چین کی سرحد کے قریب آمور ریجن میں منزل مقصود پر پہنچنے سے کچھ دیر قبل گر کر تباہ ہو گیا جس کے نتیجہ میں اس میں سوار تمام افراد ہلاک ہو گئے۔

(جاری ہے)

روسی خبر رساں ادارے تاس نے ایمر جنسی حکام کے حوالہ سے بتایا کہ مسافر طیارے میں عملہ کے 6 ارکان اور دوبچوں سمیت 46 افراد سوار تھے جبکہ آمور ریجن کے گورنر واسیلی اورلوف نے اپنے ٹیلی گرام چینل پر طیارے میں سوار مسافروں کی تعداد 43 اور عملے کے ارکان کی تعداد 6 بتائی ہے ۔

گورنر نے مزید بتایا کہ مسافروں میں پانچ بچے شامل تھے۔ تاس کے مطابق حادثے میں طیارے میں سوار تمام افراد ہلاک ہو گئے۔ تاس کے مطابق روس کے علاقے سائبیریا کی فضائی کمپنی انگارہ ایئرلائن کا اے این ۔ 24 طیارہ بلاگو ویشچنسک نامی مقام سےآمور ریجن میں واقع ٹائنڈ ا ایئر پورٹ کے قریب پہنچا تھا کہ اس میں آگ لگ گئی اور یہ ایئرپورٹ سے 16 کلومیٹر کے فاصلے پر گر گیا۔

Facebook Twitter Google + Share on Whatsapp

روس میں مسافر طیارہ گر کرتباہ، تمام مسافر ہلاک

متعلقہ عنوان :

مزید بین الاقوامی خبریں