جانی ڈیپ اور انجلینا جولی کی خفیہ ملاقاتیں، دوستی رومانوی رشتے میں بدلنے کا امکان

جمعرات 24 جولائی 2025 22:42

نیو یارک (اُردو پوائنٹ اخبارتازہ ترین - این این آئی۔ 24 جولائی2025ء)ہالی ووڈ اداکار جانی ڈیپ اور اداکارہ انجلینا جولی پھر ایک دوسرے کے قریب آتے دکھائی دینے لگے جبکہ جونی ڈیپ اس تعلق کو سنجیدہ رومانوی رشتہ بنانے کے خواہشمند نظر آتے ہیں۔امریکی میڈیا کے مطابق فلم دا ٹورسٹ میں ایک ساتھ کام کرنے کے بعد دونوں ستاروں کے درمیان موجود کیمسٹری ایک بار پھر تازہ ہوگئی ہے۔

(جاری ہے)

بتایا جارہا ہے کہ دونوں لندن اور لاس اینجلس میں خفیہ ملاقاتیں کر رہے ہیں اور بڑی احتیاط سے ہر چیز کو پوشیدہ رکھتے ہیں تاکہ میڈیا کی نظروں سے بچے رہیں۔یہ بھی بتایا گیا ہے کہ دونوں اکثر لگژری ہوٹلوں کے نجی سویٹس، پوش ریستورانوں اور کلبوں میں ملتے ہیں۔ انجلینا جولی بھی ایک بار پھر جانی ڈیپ کے قریب آنے کی خواہاں ہیں جبکہ جانی اپنے دوستوں سے کہتے ہیں کہ میں واقعی چاہتا ہوں کہ انجلینا کے ساتھ میرا رشتہ سنجیدہ ہو، میں برسوں سے ان کے لیے دل میں جگہ رکھے ہوئے ہوں۔