کراچی، تھانہ سچل پولیس کی کارروائی ،ڈکیتی وارداتوں میں ملوث نو عمر ڈکیت گروہ کا سرغنہ سمیت 4ملزمان گرفتار

جمعہ 25 جولائی 2025 14:25

ْکراچی(اُردو پوائنٹ اخبارتازہ ترین - این این آئی۔ 25 جولائی2025ء) تھانہ سچل پولیس نے کارروائی کے دوران ڈکیتی وارداتوں میں ملوث نو عمر ڈکیت گروہ کا سرغنہ سمیت 4ملزمان کوگرفتار کرلیا۔گروہ کا سرغنہ نو عمر بچوں کو نشی(چرس اور آئس)کا عادی بنا کر ان سے وارداتیں کروایا کرتا تھا۔پولیس نے خفیہ اطلاع پر غازی گوٹھ اسکیم 33 کے قریب کارروائی کرکے چار ملزمان کو گرفتار کیا۔

(جاری ہے)

گرفتار ملزمان کے قبضے سی1عدد پسٹل بمعہ ایمونیشن، اعلی کوالٹی کی چرس، موبائل فون اور نقدی رقم برآمد ہوئی ہے۔گرفتار ملزمان کے زیرِ استعمال بلا نمبری موٹر سائیکل کو ضابطے کے تحت قبضہ پولیس میں لے لیا گیا ہے۔گرفتار ملزمان کے خلاف سندھ اسلحہ ایکٹ کے تحت مقدمہ درج کرکے مزید تفتیش کا آغاز کردیا گیا ہے۔گرفتار ملزمان میں رضوان ولد رمضان، اظہار ولد ذوالفقار، یاسین ولد محمد حاشم اور غلام محمد ولد مدد علی شامل ہیں۔گرفتار ملزمان نے دورانِ تفتیش غازی گوٹھ، سکندر گوٹھ اور اطراف کے علاقوں میں متعدد وارداتیں کرنے کا انکشاف کیا، جن کی تفصیلات حاصل کی جا رہی ہے۔