ڈکیتی کی وارداتوں میں ملوث نو عمر4 رکنی ڈکیت گروہ گرفتار، اسلحہ، چرس، موبائل فونز برآمد

جمعہ 25 جولائی 2025 17:24

کراچی (اُردو پوائنٹ اخبارتازہ ترین - اے پی پی۔ 25 جولائی2025ء) تھانہ سچل پولیس نے خفیہ اطلاع پر غازی گوٹھ سکیم 33کے قریب کارروائی کرکے ڈکیتی کی وارداتوں میں ملوث نو عمر مبینہ 4 رکنی ڈکیت گروہ کو گرفتار کرکے ان کے قبضے سے ایک عدد پسٹل بمعہ ایمونیشن، اعلی کوالٹی کی چرس،ایک موٹر سائیکل، موبائل فونز اور نقدی برآمدکرلی۔

(جاری ہے)

جمعہ کو ترجمان ایسٹ پولیس کے مطابق گرفتار ملزمان میں رضوان ولد رمضان، اظہار ولد ذوالفقار، یاسین ولد محمد حاشم اور غلام محمد ولد مدد علی شامل ہیں۔گرفتار ملزمان نے دورانِ تفتیش غازی گوٹھ، سکندر گوٹھ اور اطراف کے علاقوں میں متعدد وارداتوں کا انکشاف کیاہے ۔پولیس نے ملزمان کے خلاف مقدمات درج کر کے مزید تفتیش کا آغاز کر دیا ہے۔