نورمقدم قتل کیس کا مجرم ظاہر جعفر ذہنی و نفسیاتی طورپرصحت مند قرار

جمعہ 25 جولائی 2025 22:58

اسلام آباد (اُردو پوائنٹ اخبارتازہ ترین - این این آئی۔ 25 جولائی2025ء)نور مقدم قتل کیس کے مجرم ظاہر جعفر کو ذہنی و نفسیاتی طور پر صحت مند قرار دے دیا گیا، مجرم میں نفسیاتی بیماری یا دماغی خرابی کے شواہد نہیں ملے۔ذرائع کے مطابق پمز ہسپتال اسلام آباد کے 2 رکنی میڈیکل بورڈ نے سپرنٹنڈنٹ اڈیالہ جیل کی درخواست پر 21 جولائی کو ظاہر جعفر کا معائنہ کیا۔

(جاری ہے)

پمز کے ماہر امراض نفسیات اور نیورو نے مجرم ظاہر جعفر کا تفصیلی معائنہ کیا جس کے نتائج میں وہ ذہنی و نفسیاتی طور پر مکمل صحت مند اور مزاج نارمل پایا گیا، مجرم میں نفسیاتی بیماری یا دماغی خرابی کے شواہد نہیں ملے۔ذرائع کے مطابق ظاہر جعفر کے لواحقین صدر مملکت کے پاس رحم کی اپیل دائر کرنے پر غور کر رہے ہیں، ظاہر جعفر نے رحم کی اپیل کے لیے نفسیاتی معائنے کی درخواست دی تھی، پمز ہسپتال کی انتظامیہ نے ظاہر ذاکر جعفر کی میڈیکل رپورٹ سے متعلق کوئی جواب نہیں دیا۔