صوبائی وزیر لیبر کی زیر صدارت ،اجلاس، ورکرز میں مریم نواز راشن کارڈ کی تقسیم عمل کا جائزہ لیا

ہفتہ 26 جولائی 2025 01:20

لاہور (اُردو پوائنٹ اخبارتازہ ترین - اے پی پی۔ 26 جولائی2025ء) صوبائی وزیر لیبر و افرادی قوت ملک فیصل ایوب کھوکھر کی زیر صدارت اہم اجلاس پنجاب ایمپلائز سوشل سکیورٹی انسٹیٹیوشن ہیڈ آفس میں منعقد ہوا جس میں مریم نواز راشن کارڈ کی ورکرز میں تقسیم کے عمل کا تفصیلی جائزہ لیا گیا ۔اجلاس میں سیکرٹری لیبر نعیم غوث ،کمشنر پنجاب سوشل سکیورٹی محمد علی ،پنجاب بینک اور پنجاب آئی ٹی بورڈ نمائندگان سمیت دیگر متعلقہ افسران نے شرکت کی ۔

صوبائی وزیر نے اجلاس کے دوران بتایا کہ ورکرز میں روزانہ کی بنیاد پر راشن کارڈز کی تقسیم جاری اورصوبہ بھر میں 23,000 آئوٹ لیٹس ودکانوں پر اشیائے ضروریہ پر سبسڈی دی جارہی ہے ۔انہوں نے کہاکہ ہر تحصیل میں کم از کم 200 دکانیں ایسی مختص کی گئی ہیں جہاں ورکرز کو اشیائے ضروریہ پر رعایت فراہم کی جارہی ہے ،جن فیکٹریوں میں ورکرز کی تعداد زیادہ ہے وہاں متعلقہ افسران خود جا کر کارڈ تقسیم کررہے ہیں ۔

(جاری ہے)

صوبائی وزیر نے کہا کہ ورکرز کی بائیومیٹرک رجسٹریشن کا عمل بھی تیزی سے جاری اور پیسی کے 22 ڈائریکٹوریٹس ورکرز میں کارڈز تقسیم کرنے میں مصروف ہیں ۔فیصل ایوب کھوکھر نے ہدایت دی کہ ورکرز کی فوری بائیو میٹرک رجسٹریشن کو یقینی بنانے کے لیے فیکٹری مالکان سے بات چیت کی جائے ۔انہوں نے کہا کہ وزیر اعلی پنجاب مریم نواز ورکرز کی فلاح و بہبود کے لیے نہایت متحرک کردار ادا کر رہی ہیں۔