Live Updates

فلپائن، سمندری طوفان کے باعث 30افراد ہلاک ،7لاپتہ

ہفتہ 26 جولائی 2025 16:37

منیلا(اُردو پوائنٹ اخبارتازہ ترین - این این آئی۔ 26 جولائی2025ء)فلپائن میں سمندری طوفان کے باعث آنے والے سیلاب اور لینڈ سلائیڈنگ سے 30 افراد ہلاک اور 7لاپتہ ہو گئے ۔عرب ٹی وی کے مطابق نیشنل ڈیزاسٹر رسک ریڈکشن اینڈ مینجمنٹ کونسل (این ڈی آر آر ایم سی)نے رپورٹ میں بتایا کہ فلپائن میں سیلاب اور لینڈ سلائیڈنگ سے 30 افراد ہلاک اور 7لاپتہ ہیں جبکہ 10 افراد زخمی ہو گئے ۔

(جاری ہے)

این ڈی آر آر ایم سی کے مطابق ملک بھر میں 14 لاکھ 60 ہزار خاندان متاثر ہوئے ۔آفس آف سول ڈیفنس نے اطلاع دی کہ 88 شہروں اور قصبوں کو آفت زدہ قرار دیا گیا ہے تاکہ ہنگامی ردعمل کو تیز اور ضروری وسائل تک رسائی کو آسان بنایا جا سکے۔اگرچہ طوفان ویفا، فرانسسکو اور کو-مے فلپائن سے گزر چکے ہیں لیکن ریاستی موسمیاتی ادارے نے ہفتے کو خبردار کیا کہ آنے والے دنوں میں لوزون جزیرے کے مختلف حصوں میں مزید بارش متوقع ہے۔