Live Updates

محکمہ زراعت کی کاشتکاروں کومونگ ماش کی فصل کوپہلا پانی اگاؤ کے 3سے4ہفتے بعد، دوسراپانی پھول نکلنے، تیسرا پانی پھلیاں نکلنے پرلگانے کی ہدایت

منگل 29 جولائی 2025 15:52

فیصل آباد (اُردو پوائنٹ اخبارتازہ ترین - اے پی پی۔ 29 جولائی2025ء) محکمہ زراعت توسیع فیصل آبادکے ڈپٹی ڈائریکٹر عدیل احمد نے کہاہے کہ کاشتکار مونگ ماش کی بیماریوں اور کیڑے مکوڑوں کے فوری تدارک کےلئے مناسب حکمت عملی اپنائیں تاکہ فصل کو نقصان کی معاشی حد سے بچایاجاسکے۔

(جاری ہے)

انہوں نے کہاکہ مونگ ماش کی اچھی پیداوار کےلئے جڑی بوٹیوں کی بروقت تلفی بھی نہایت ضروری ہے۔

انہوں نے کہاکہ مونگ ماش کی فصل کو تین پانی درکار ہوتے ہیں لہٰذا پہلا پانی اگاؤ کے 3سے4ہفتے بعد، دوسراپانی پھول نکلنے پر اور تیسرا پانی پھلیاں نکلنے پر دیاجائے۔انہوں نے کہاکہ اگر اس دوران بارش ہو جائے تو فصل کی ضرورت کے مطابق اس کی آبپاشی کی جائے نیز اگر بار ش کازائد پانی کھیت میں جمع ہو جائے تو اس کے نکاس کا بھی فوری انتظام کرناچاہیے۔