سی سی ڈی لاہور کے مبینہ مقابلے، زیر حراست دو ڈاکو مارے گئے

مارے گئے ملزمان ڈکیتی، اغوا برائے تاوان، قتل، اقدام قتل سمیت کئی درجن وارداتوں میں ملوث تھے

منگل 29 جولائی 2025 16:17

سی سی ڈی لاہور کے مبینہ مقابلے، زیر حراست دو ڈاکو مارے گئے

لاہور (اُردو پوائنٹ اخبارتازہ ترین - این این آئی۔ 29 جولائی2025ء) کرائم کنٹرول ڈیپارٹمنٹ (سی سی ڈی )کے لاہور میں دو مبینہ مقابلے، زیر حراست دو ڈاکو ہلاک ہو گئے۔سی سی ڈی ذرائع کے مطابق مبینہ مقابلے چوہنگ اور نشتر کے علاقہ میں ہوئے۔ سی سی ڈی اہلکار زیر حراست ملزمان کو ریکوری کے لئے لے کر گئی ،زیر حراست ملزمان کو چھڑوانے کے لئے ساتھیوں نے پولیس پر حملہ کر دیا ۔

(جاری ہے)

زیرحراست ملزم عدنان چوہنگ میں ساتھیوں کی فائرنگ کی زد میں آکر ہلاک ہوگیا۔ 25سالہ گلزیب نشتر کے علاقہ میں ساتھیوں کی فائرنگ سے مارا گیا۔ مارے گئے ملزمان ڈکیتی، اغوا برائے تاوان، قتل، اقدام قتل سمیت کئی درجن وارداتوں میں ملوث تھے ،ہلاک ملزمان کے ساتھی اندھیرے کا فائدہ اٹھا کر فرار ہوگئے، سی سی ڈی اہلکاروں نے علاقہ کی ناکہ بندی کی مگر کوئی ملزم ہاتھ نہ آیا، مبینہ مقابلوں میں سی سی ڈی اہلکار، گاڑیاں محفوظ رہیں۔