گڈ گورننس اقدامات پر ترجیحی بنیادوں پر عمل درآمد کیا جائے،ڈپٹی کمشنراوکاڑہ

جمعرات 31 جولائی 2025 16:30

اوکاڑہ (اُردو پوائنٹ اخبارتازہ ترین - اے پی پی۔ 31 جولائی2025ء) ڈپٹی کمشنراوکاڑہ احمد عثمان جاوید کی زیر صدارت ضلعی انتظامیہ کے افسران کا اجلاس منعقدہوا۔

(جاری ہے)

اس موقع پر ایڈیشنل ڈپٹی کمشنر ریونیو محمد شعجین وسطرو، ایڈیشنل ڈپٹی کمشنر جنرل حافظ محمد عمر طیب ایڈیشنل ڈپٹی کمشنر فنانس اینڈ پلاننگ چوہدری عبدالجبار گجر، اسسٹنٹ کمشنر اوکاڑہ رب نواز، ڈپٹی ڈائریکٹر ڈیویلپمنٹ مرغوب حسین ڈوگر، سب ڈویژنل انفورسمنٹ آفیسر وسیم جاوید، ڈپٹی ڈائریکٹر لوکل گورنمنٹ محمد شہباز سکھیرا، ایس این اے افضال حسین بھی موجود تھے۔

ڈپٹی کمشنر احمد عثمان جاوید نے ہدایات جاری کرتے ہوئے کہا کہ عوامی سہولت کے پیش نظر افسران فیلڈ وزٹس کا سلسلہ تسلسل سے جاری رکھیں۔انہوں نے کہا کہ حکومت پنجاب کی گائیڈ لائنز کے مطابق عوامی مسائل کے حل اور عوامی بہتری کے لیے گڈ گورننس اقدامات پر ترجیحی بنیادوں پر عمل درآمد کیا جائے۔\378