خیبرپختونخوا،محکمہ صحت کے سینئر افسر کو رشوت لیتے ہوئے رنگے ہاتھوں گرفتار کرلیا گیا

جمعرات 31 جولائی 2025 19:35

پشاور (اُردو پوائنٹ اخبارتازہ ترین - این این آئی۔ 31 جولائی2025ء)محکمہ اینٹی کرپشن خیبرپختونخوا نے محکمہ صحت کے سینئر افسر کو رشوت لیتے ہوئے رنگے ہاتھوں گرفتار کرلیا، ملزم نے آڈٹ اعتراضات ختم کرنے کے لیے 20 لاکھ روپے رشوت طلب کی تھی۔

(جاری ہے)

میڈیا رپورٹ کے مطابق اینٹی کرپشن خیبرپختونخوا کو شکایت موصول ہوئی تھی کہ ملزم نے آڈٹ اعتراضات ختم کرنے کے لیے 20 لاکھ روپے رشوت طلب کی ہے، مشیر اینٹی کرپشن مصدق عباسی نے شکایت کا سخت نوٹس لیا اور فوری کارروائی کی ہدایت جاری کی۔

ملزم سیکشن آفیسر جنرل محکمہ صحت عدنان مروت کے آفس میں رشوت کی رقم وصول کر رہا تھا۔ڈائریکٹر اینٹی کرپشن صدیق انجم کی قیادت میں کامیاب اسٹنگ آپریشن کیا گیا، رشوت کی رقم برآمد کرکے ملزم کو اینٹی کرپشن کے اسپیشل انویسٹی گیشن وِنگ کے حوالے کر دیا گیا ہے۔