ملک میں 24 گھنٹوں کے دوران بارشوں سے مزید 2 ہلاکتیں، تعداد 291 ہوگئی

خیبرپختونخوا میں ڈوبنے سے 2 بچے جاں بحق ہوئے، ترجمان این ڈی ایم اے

جمعرات 31 جولائی 2025 21:00

اسلام آباد (اُردو پوائنٹ اخبارتازہ ترین - این این آئی۔ 31 جولائی2025ء)گزشتہ 24 گھنٹوں کے دوران ملک میں بارشوں کے دوران پیش آنے والے حادثات میں مزید 2 افراد جاں بحق ہوگئے۔ترجمان این ڈی ایم اے کے مطابق خیبرپختونخوا میں ڈوبنے سے 2 بچے جاں بحق ہوئے جس کے بعد بارشوں کے باعث ملک میں جاں بحق افراد کی تعداد 291 ہوگئی جب کہ 698 افراد زخمی ہوئے۔

(جاری ہے)

ترجمان این ڈی ایم اے نے بتایا کہ پنجاب میں بارشوں کے باعث 158افراد جاں بحق اور 556 افراد زخمی ہوئے، خیبرپختونخوا میں 66 افراد جاں بحق اور 81 افراد زخمی جب کہ سندھ میں بارشوں کے باعث 28 افراد جاں بحق اور 40 افراد زخمی ہوئے۔

اس کے علاوہ بلوچستان میں بارشوں کے باعث 20 افراد جاں بحق، 4 زخمی، گلگت بلتستان میں 9 افراد جاں بحق، 4 زخمی، آزادکشمیر میں 2 افراد جاں بحق، 10 زخمی جب کہ اسلام آباد میں بھی بارشوں سے 8 افراد جاں بحق اور 3 افراد زخمی ہوئے۔این ڈی ایم اے کے مطابق بارشوں سے 102 مرد، 51 خواتین اور 138 بچے جاں بحق ہوئے جب کہ 263 مرد، 199 خواتین اور 236 بچے زخمی ہوئے، بارشوں سی1584مکانات کو نقصان پہنچا اور 376 مویشی ہلاک ہوئے۔