باقی لوگوں کا نہیں پتہ،فواد چوہدری کسی سازش کا حصہ نہیں تھے، اہلیہ حبا فواد

یہ ملک، یہ قوم ، فوج ہماری ، ان کی مخالفت کا سوچ بھی نہیں سکتے،میڈیاسے گفتگو

جمعرات 31 جولائی 2025 21:50

باقی لوگوں کا نہیں پتہ،فواد چوہدری کسی سازش کا حصہ نہیں تھے، اہلیہ ..

اسلام آباد(اُردو پوائنٹ اخبارتازہ ترین - این این آئی۔ 31 جولائی2025ء)سابق وفاقی وزیر فواد چوہدری کی اہلیہ حبہ فواد نے کہاہے کہ باقی لوگوں کا مجھے نہیں پتہ،فواد چوہدری کسی سازش کا حصہ نہیں تھے ۔

(جاری ہے)

میڈیا سے بات چیت کے دوران حبا فواد نے کہا ہے کہ فواد چوہدری کو باعزت بری کر دیا گیا ہے، عدالت کی شکر گزار ہوں کہ حق کی فتح ہوئی ہے۔انہوںنے کہاکہ ہمیں عدلیہ سے انصاف ملا ہے اور باقی مقدمات کا بھی سامنا کریں گے، فیصلہ سننے کی جرأت سب کو ہونی چاہیے، چاہے سزا ہو یا بری ہوں۔انہوں نے کہا کہ جن لوگوں کو سزائیں ہوئیں مجھے نہیں پتہ کہ ان کے وکلاء نے ان کے دفاع میں کیا کہا،یہ ملک، یہ قوم اور یہ فوج بھی ہماری ہے، ہم ان کی مخالفت کا سوچ بھی نہیں سکتے۔