ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی کینیڈین اوپن ٹینس ویمنز ڈبلز مقابلوں کے دوسرے رائوند میں داخل

جمعہ 1 اگست 2025 13:04

مونٹریال (اُردو پوائنٹ اخبارتازہ ترین - اے پی پی۔ 01 اگست2025ء) امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی ڈبلیو ٹی اے کینیڈین ا وپن ٹینس ٹورنامنٹ میں خواتین کے ڈبلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئی ۔ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی نے ویمنز ڈبلز کے ابتدائی رائونڈ میچ میں روس کی ٹینس کھلاڑی ارینا پاولونا خرماچیوا اور ان کی انڈونیشیا کی جوڑی دار الدیلہ سوتجیادی کو شکست دی۔

(جاری ہے)

کینیڈین اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہے۔ آئی جی اے سٹیڈیم مونٹریال میں کھیلے گئے خواتین کے ڈبلز مقابلوں کے ابتدائی رائونڈ میچ میں امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی نے شاندار کارکردگی کا مظاہرہ کرتے ہوئے روس کی ٹینس کھلاڑی ارینا پاولونا خرماچیوا اور ان کی انڈونیشیا کی جوڑی دار الدیلہ سوتجیادی کو ٹائی بریک پر سٹریٹ سیٹس میں 6-7(5-7) اور5-7 سے شکست دے کر نہ صرف ایونٹ کا فاتحانہ آغاز کردیا بلکہ دوسرے رائونڈ کے لئے بھی کوالیفائی کرلیا۔\932