پی سی بی نے شاہین آفریدی کے حوالے سے وضاحتی بیان جاری کردیا

جمعہ 1 اگست 2025 18:37

لاہور (اُردو پوائنٹ اخبارتازہ ترین - این این آئی۔ 01 اگست2025ء)پاکستان کرکٹ بورڈ (پی سی بی) نے لیفٹ آرم فاسٹ بولر شاہین آفریدی کے حوالے سے وضاحتی بیان جاری کر دیا جس کے مطابق پی سی بی نے کہا کہ شاہین آفریدی کپتان سلمان آغا اور کوچنگ اسٹاف کے حوالے سے چلنے والی خبر کی تردید کرتے ہیں، ٹریننگ یا پریکٹس سیشن کے دوران ایسا کوئی واقعہ پیش نہیں آیا۔

(جاری ہے)

پی سی بی کے مطابق یہ بے بنیاد افواہیں اور من گھڑت خبریں ہیں، ایسا لگتا ہے کہ یہ سب مذموم مقاصد کے تحت جان بوجھ کر ٹیم کے اندر انتشار پیدا کرنے کے لیے کیا گیا۔پی سی بی اس مہم کو ٹیم کا ماحول خراب کرنے کی ایک سنگین کردار کشی سمجھتا ہے اور ان افراد یا اداروں کے خلاف سخت قانونی کارروائی کا آغاز کریں گے جنہوں نے جھوٹا بیانیہ پھیلایا۔پی سی بی کے مطابق قانونی کارروائی میں ہتکِ عزت اور سائبر کرائم سے متعلق دفعات بھی شامل ہوں گی، ملوث افراد کو قانون کے دائرہ میں لایا جائے گا۔پی سی بی نے کہا کہ عوام، میڈیا اور سوشل میڈیا پلیٹ فارمز پر ایسی من گھڑت اور جھوٹی خبروں سے گریز کریں۔