سیالکوٹ، نماز جمعہ پرمساجد و امام بارگاہوں میں سکیورٹی کے فول پروف انتظامات

جمعہ 1 اگست 2025 15:48

سیالکوٹ (اُردو پوائنٹ اخبارتازہ ترین - اے پی پی۔ 01 اگست2025ء) سیالکوٹ میں نماز جمعہ پر مساجداور امام بارگاہوں میں سکیورٹی کے فول پروف انتظامات کئے گئے۔

(جاری ہے)

ڈسٹرکٹ پولیس آفیسر سیالکوٹ فیصل شہزاد کی ہدایت پرضلع بھر میں موجود اہم مساجداور امام بارگاہوں پر مسلح پولیس افسران و ملازمین نے ڈیوٹی سرانجام دی، ایلیٹ فورس اور محافظ سکواڈ کے جوان اہم مساجداور اہم امام بارگاہوں کے اردگرد گشت کناں رہے۔

اس کے علاوہ ٹریفک کی روانی کو برقرار رکھنے کے لئے ٹریفک پولیس کے جوان بھی الرٹ رہے۔ نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیا گیا۔ علاوہ ازیں چیکنگ کے لئے اہم پوائنٹس پر واک تھرو گیٹس اورمیٹل ڈیٹیکٹرز کا استعمال یقینی بنایا گیا جبکہ مساجد اور امام بارگاہوں کے باہر مناسب پارکنگ کا بندوبست بھی کیا گیا۔