سعودی عرب کی ائیر لائن فلائی ناس کا ریاض اور ماسکو کے درمیان براہ راست پروازوں کا آغاز

ہفتہ 2 اگست 2025 09:00

ریاض (اُردو پوائنٹ اخبارتازہ ترین - اے پی پی۔ 02 اگست2025ء) سعودی عرب کی ائیر لائن فلائی ناس نے ریاض اور ماسکو کے درمیان براہ راست پروازوں کا آغاز کردیا۔ مشرق وسطی کی معروف لو بجٹ ایئرلائن فلائی ناس نے یکم اگست سے ریاض اور ماسکو کےدرمیان براہ راست پروازوں کا آغاز کیا ہے۔ پہلی پرواز نے جمعے کو دوپہر ایک بجکر 46 منٹ پر ماسکو کے ونوکوو انٹرنیشنل ایئرپورٹ پر پہنچی ہے۔

(جاری ہے)

بیان کے مطابق فلائی ناس روس کے لیے ہفتے میں تین براہ راست پروازیں پیر، بدھ اور جمعے کو چلائے گی۔یہ اقدام سعودی ٹورازم اتھارٹی کے تعاون سے فلائی ناس کی ترقی اور توسیع کےلیے سٹرٹیجک پلان کے فریم ورک کا حصہ ہے جو سیاحت اور ایوی ایشن سیکٹر کے لیے مملکت کے قومی مقاصد سے ہم آہنگ ہے۔ افتتاحی پرواز کے موقع پر ریاض کے کنگ خالد انٹرنیشنل ایئرپورٹ اور ماسکو کے ونوکوو انٹرنیشنل ایئرپورٹ پر جمعے کو تقریبات کا انعقاد کیا گیا جس میں روس میں سعودی سفیر عبدالرحمن الاحمد نے شرکت کی۔