امریکا، اناکونڈا میں فائرنگ کے واقعے میں 4 افراد ہلاک

ہفتہ 2 اگست 2025 10:40

نیویارک (اُردو پوائنٹ اخبارتازہ ترین - اے پی پی۔ 02 اگست2025ء) امریکی ریاست مونٹانا کے شہر اناکونڈا میں فائرنگ کے واقعے میں 4 افراد ہلاک ہو گئے۔شنہوا کے مطابق اناکونڈا-ڈئیر لاج کاؤنٹی لاء انفورسمنٹ سینٹر کی فیس بک پوسٹ میں بتایا گیا کہ فائرنگ کاواقعہ دی آؤل بار میں پیش آیا،پوسٹ میں خبردار کیا گیا کہ فائرنگ کا مشتبہ شخص مسلح اور خطرناک ہے،ملزم کی شناخت مائیکل پال براؤن کے طور پر کی گئی ہے۔

(جاری ہے)

حکام نے مشتبہ شخص کی تصویر فیس بک پر شیئر کی اور عوام کو سٹمپ ٹاؤن اور اس کے آس پاس کے علاقوں سے دور رہنے کا مشورہ دیا۔مونٹانا ہائی وے پٹرول نے بھی فیس بک پوسٹ میں کہا کہ اناکونڈا کے مغرب میں سٹمپ ٹاؤن روڈ اور اینڈرسن رینچ لوپ روڈ کے قریب قانون نافذ کرنے والے اداروں کی بھاری نفری موجود ہے۔پوسٹ میں کہا گیا کہ حکام ایک ایسے مشتبہ شخص کی تلاش میں ہیں جس کے مسلح ہونے کا خدشہ ہے، براہِ کرم اس علاقے میں جانے سے گریز کریں۔