اسلام آباد ہائی کورٹ کا آئندہ ہفتے کیلئے ججز ڈیوٹی روسٹر جاری

سے 8 اپریل تک ایک ڈویژن بنچ اور 6 سنگل بنچز دستیاب ہوں گے

ہفتہ 2 اگست 2025 17:35

اسلام آباد(اُردو پوائنٹ اخبارتازہ ترین - این این آئی۔ 02 اگست2025ء)اسلام آباد ہائی کورٹ میں آئندہ ہفتے کے لیے ججز کا ڈیوٹی روسٹر جاری کر دیا گیا۔چیف جسٹس کی منظوری کے بعد رجسٹرار آفس کی جانب سے جاری کردہ روسٹر کے مطابق 4 سے 8 اپریل تک ایک ڈویژن بنچ اور 6 سنگل بنچز دستیاب ہوں گے۔

(جاری ہے)

ڈیوٹی روسٹر کے مطابق ڈویڑن بنچ چیف جسٹس اسلام آباد ہائی کورٹ اور جسٹس محمد آصف پر مشتمل ہوگا جبکہ تعطیلات کے بعد جسٹس بابر ستار بھی دوبارہ عدالتی امور سرانجام دینے کے لیے دستیاب ہوں گے۔

روسٹر کے تحت جسٹس سردار اعجاز اسحاق خان، جسٹس ارباب محمد طاہر، جسٹس محمد اعظم خان، جسٹس خادم سومرو اور جسٹس انعام امین منہاس آئندہ ہفتے رخصت پر ہوں گے۔رجسٹرار آفس کے مطابق یہ روسٹر عدالتی کارکردگی کو منظم انداز میں جاری رکھنے اور تعطیلات کے دوران زیر التوا مقدمات کی سماعت کو یقینی بنانے کے لیے ترتیب دیا گیا ہے۔