زرعی یونیورسٹی فیصل آباد میں انڈرگریجویٹ ڈگری پروگرامز میں داخلوں کے لیے دوسرے انٹری ٹیسٹ کا انعقاد

اتوار 3 اگست 2025 14:30

فیصل آباد (اُردو پوائنٹ اخبارتازہ ترین - اے پی پی۔ 03 اگست2025ء) زرعی یونیورسٹی فیصل آباد میں انڈرگریجویٹ ڈگری پروگرامز میں داخلوں کے لیے دوسرے انٹری ٹیسٹ کا انعقاد کیا گیا جس میں 15,500 سے زائد امیدواروں نے شرکت کی۔ وائس چانسلر پروفیسر ڈاکٹر ذوالفقار علی کی ہدایت پر امیدواروں اور ان کے والدین کے لیے فول پروف انتظامات کو یقینی بنایا گیا۔

(جاری ہے)

داخلہ کمیٹی کے کنوینر ڈاکٹر ندیم عباس کے مطابق ٹیسٹ سینٹرز 12 شہروں میں قائم کیے گئے ہیں جن میں فیصل آباد، لاہور، گوجرانوالہ، لیہ، راولپنڈی، ملتان، رحیم یار خان، سرگودھا، ٹوبہ ٹیک سنگھ، بہاولپور، بورے والا اور دیپالپور/ اوکاڑہ شامل ہیں۔مزید تفصیلات کے لیے ویب سائٹ www.uaf.edu.pk ملاحظہ کریں۔ انہوں نے کہا کہ یہ امر قابل ذکر ہے کہ زرعی یونیورسٹی فیصل آباد کو کیو ایس رینکنگ کے مطابق زرعی اور جنگلاتی شعبہ جات میں دنیا کی 34ویں بہترین یونیورسٹی کا درجہ حاصل ہے۔ برصغیر کی پہلی زرعی درسگاہ ہونے کی حیثیت سے یہ جامعہ زرعی ترقی اور غذائی استحکام میں اہم کردار ادا کر رہی ہے۔