راولپنڈی ،ڈینگی کیسز کی مجموعی تعداد 34ہو گئی

پیر 4 اگست 2025 21:30

راولپنڈی (اُردو پوائنٹ اخبارتازہ ترین - این این آئی۔ 04 اگست2025ء)رواں سال 2025میں راولپنڈی میں ڈینگی کیسز کی مجموعی تعداد 34 ہو گئی ہے۔تفصیلات کے مطابق رواں سال اب تک 4076افراد کی سکریننگ میں 34کنفرم کیسز سامنے آئے ہیں۔ہسپتالوں میں ڈینگی میں مبتلا 222مریض داخل اور ڈسچارج ہوئے جبکہ 8مریضوں میں تصدیق ہوئی ہے، ڈینگی سے اب تک کوئی ہلاکت رپورٹ نہیں ہوئی۔

(جاری ہے)

حکام کے مطابق راولپنڈی میں 17528ہاٹ اسپاٹس رجسٹرڈ ہیں جن میں سے 97.93فیصد کیسز کو کوریج حاصل ہے۔ شہر میں 12یونین کونسلز میں ڈینگی کی خطرناک سطح پائی گئی ہے۔ سال 2025ء میں اب تک 56162ڈینگی کے لاروا برآمد ہوئے ہیں اور 9880مقامات پر کیسز مثبت آئے ہیں۔حکام کے مطابق 2025ء میں ڈینگی ایس او پیز کی خلاف ورزی پر 1743ایف آئی آر، 3276چالان اور 238سیلنگ رپورٹ ہوئیں۔حکام کے مطابق انسدادِ ڈینگی کیلئے 294آئوٹ ڈور ٹیمیں کام کررہی ہیں اور 889ان ڈور ٹیمیں سرگرم ہیں۔ انسدادِ ڈینگی مہم کیلئے 717آئی آر ایس پمپ، 89دستی اور 40گاڑیوں پر نصب فوگر مشینیں فعال ہیں۔

Facebook Twitter Google + Share on Whatsapp

راولپنڈی ،ڈینگی کیسز کی مجموعی تعداد 34ہو گئی

متعلقہ عنوان :

مزید قومی خبریں