وزیراعلیٰ سندھ کا میر مرتضیٰ بھٹو کی 29ویں برسی پر شہید کو خراج عقیدت

ہفتہ 20 ستمبر 2025 19:21

کراچی (اُردو پوائنٹ اخبارتازہ ترین - این این آئی۔ 20 ستمبر2025ء)وزیراعلی سندھ سید مراد علی شاہ نے شہید میر مرتضی بھٹو کی 29ویں برسی پر ایک بیان جاری کرتے ہوئے ان کی قربانی اور بھٹو خاندان کی میراث کو خراج عقیدت پیش کیا ہے۔وزیراعلی سندھ نے کہا کہ شہید ذوالفقار علی بھٹو کے صاحبزادے میر مرتضی بھٹو کو جوانی میں شہید کر دیا گیا۔

(جاری ہے)

انہوں نے مرتضی بھٹو کے قتل کو پاکستان میں جمہوریت کو کمزور کرنے کی سازش قرار دیتے ہوئے کہا کہ اس سازش کی حقیقت وقت کے ساتھ ساتھ عیاں ہو چکی ہے۔

انہوں نے کر کہا کہ آمرانہ حکومتوں نے پاکستان پیپلز پارٹی (پی پی پی)کی قیادت کو مسلسل نشانہ بنایا ہے۔سید مراد علی شاہ نے کہا کہ بھٹو خاندان کی عظیم قربانیاں ملکی تاریخ کا سنہرا باب ہیں۔ شہید بھٹو اور ان کے خاندان کی قربانیاں ہماری تاریخ کا ایک روشن باب ہیں اور بھٹوخاندان نے ہمیشہ عوام کے حقوق کے لیے اپنی جانیں نچاور کیں۔