گوجرانوالہ، نامعلوم ملزم کی گھرمیں گھس کر2سالہ بچی سے مبینہ زیادتی

پیر 4 اگست 2025 22:05

گوجرانوالہ (اُردو پوائنٹ اخبارتازہ ترین - این این آئی۔ 04 اگست2025ء)گوجرانوالہ کے علاقے تھانہ جناح کی حدود میں 26فٹ بازار کے قریب نامعلوم ملزم نے گھر میں گھس کر 2سالہ بچی کو زیادتی کا نشانہ بنا دیا ، پولیس نے مقدمہ درج کر کے ملزم کی تلاش شروع کردی۔ پولیس کے مطابق مبینہ طور پر زیادتی کا شکار ہونے والی معصوم بچی کو تشویش ناک حالت میں ہسپتال منتقل کر دیا گیا ہے۔

(جاری ہے)

ایف آئی آر متن کے مطابق گھر میں بچیاں کھیل رہی تھیں اور ان کی والدہ سو رہی تھی کہ نامعلوم ملزم گھر میں گھسا اور 2سالہ معصوم بچی کو زیادتی کا نشانہ بنا ڈالا۔ایف آئی آر کے مطابق بڑی بچی جو کہ کھیل رہی تھی اور اس افسوس ناک واقعے کے بعد اس نے اپنی والدہ کو جگایا، والدہ نے بچی کی حالت دیکھ کر فورا پولیس کو اطلاع دی۔پولیس ذرائع کے مطابق واقعہ کا مقدمہ درج کر لیا گیا ہے ،مزید تحقیقات جاری ہیں۔