الیگزینڈرزویروف اور کیرن خچانوف کینیڈین اوپن ٹینس مینز سنگلز سیمی فائنل میں داخل

منگل 5 اگست 2025 14:49

ٹورنٹو(اُردو پوائنٹ اخبارتازہ ترین - این این آئی۔ 05 اگست2025ء)جرمنی کے نامور ٹینس سٹار اور ایونٹ کے ٹاپ سیڈڈ الیگزینڈرزویروف اور روسی ٹینس سٹار کیرن خچانوف اپنی پیش قدمی کو برقرار رکھتے ہوئے اے ٹی پی کینیڈین اوپن ٹینس ٹورنامنٹ مردوں کے سنگلز مقابلوں کے سیمی فائنل میں پہنچ گئے۔28 سالہ جرمنی کے ٹینس سٹار الیگزینڈرزویروف نے مینز سنگلز کوارٹر فائنل رائونڈ میچ میں آسٹریلوی حریف کھلاڑی الیکسی پوپیرین کے خلاف 1-2 سیٹس سے کامیابی حاصل کی جبکہ روسی ٹینس سٹار کیرن خچانوف نے مینز سنگلز کوارٹر فائنل میچ میں امریکی حریف کھلاڑی الیکس مشیلسن کو شکست دی۔

اے ٹی پی کینیڈین اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہیجس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔

(جاری ہے)

آئی جی اے سٹیڈیم مونٹریال میں جاری ایونٹ میں مردوں کے سنگلز مقابلوں کے کوارٹر فائنل رائونڈ میچ میں جرمنی کے نامور ٹینس سٹار اور ایونٹ کے ٹاپ سیڈڈ الیگزینڈرزویروف نے عمدہ کھیل پیش کرتے ہوئے آسٹریلوی حریف کھلاڑی الیکسی پوپیرین کو 7-6(10-8)،4-6 اور 3-6 سے شکست دے کر ایونٹ کے سیمی فائنل رائونڈ کے لئے کوالیفائی کرلیا، جہاں جرمن ٹینس سٹار کا مقابلہ 29 سالہ روسی ٹینس سٹار کیرن خچانوف سے ہوگا۔

روس کے کیرن خچانوف نے کوارٹر فائنل میچ میں امریکی حریف کھلاڑی الیکس مشیلسن کو ٹائی بریک پر سٹریٹ سیٹس میں 4-6 اور 6-7سے شکست دی۔