پاکستان ویمنز اور آئرلینڈ ویمنز کے درمیان پہلا ٹی ٹوئنٹی انٹرنیشنل (کل) کھیلا جائے گا

منگل 5 اگست 2025 22:15

ڈبلن(اُردو پوائنٹ اخبارتازہ ترین - این این آئی۔ 05 اگست2025ء)پاکستان اور آئرلینڈ کی خواتین ٹیمیں بدھ کو ڈبلن میں تین میچوں کی سیریز کے پہلے ٹی ٹوئنٹی انٹرنیشنل میں مدمقابل ہونگی،سیریز کے بقیہ دو میچز بھی ڈبلن میں8 اور 10 اگست کو کھیلے جائیں گے۔پاکستان ویمنز ٹیم کی قیادت آل راؤنڈر فاطمہ ثنا کررہی ہیں۔ ٹیم نے اس دورے سے قبل کراچی میں ہونے والے طویل سکلز کیمپ میں سخت ٹریننگ کی ہے اور تمام کھلاڑی آئرلینڈ کے خلاف سیریز کے لیے بہت زیادہ ٴْپرامید نظرآتی ہیں۔

کپتان فاطمہ ثنا نے کہا کہ ٹیم کا مورال بلند ہے۔ کیمپ میں کھلاڑیوں نے کوچز کی نگرانی میں سکلز میں بہتری لانے پر بہت زیادہ محنت کی ہے اور تمام کھلاڑی آئرلینڈ کے خلاف سیریز میں اپنی بہترین کارکردگی کا مظاہرہ کرنے کے لیے ٴْپرعزم ہیں۔

(جاری ہے)

پاکستان ویمنز ٹیم میں کپتان فاطمہ ثنا کے علاوہ عالیہ ریاض، ڈیانابیگ،ایمان فاطمہ،گل فیروزہ،منیبہ علی، نجیہہ علوی ( وکٹ کیپر ) نشرہ سندھو، نتالیہ پرویز، رامین شمیم، سعدیہ اقبال،سدرہ امین،طوبی حسن،وحیدہ اختر اور شوال ذوالفقار شامل ہیں۔

شوال ذوالفقار کو صدف شمس کے ان فٹ ہوجانے کے سبب سکواڈ میں شامل کیا گیا ہے، ایمان فاطمہ پہلی بار پاکستان ٹیم میں جگہ بنانے میں کامیاب ہوئی ہیں۔پاکستان ویمنز کا آئرلینڈ کے خلاف ریکارڈ شاندار رہا ہے اس نے ابتک کھیلے گئے 19 میں سے 15 میچ جیتے ہیں اور صرف 4 میں اسے شکست کا سامنا کرنا پڑا ہے۔پاکستان ویمنز کی طرف سے ٹی ٹوئنٹی انٹرنیشنل میں جو واحد سنچری بنی ہے وہ بھی آئرلینڈ ہی کے خلاف منیبہ علی نی2023 میں کیپ ٹاؤن میںنسکورنکینتھی۔