مشیر اطلاعات خیبرپختونخوا بیرسٹرسیف کادورہ پریس کلب

سینئر صحافی سید ظاہر شاہ شیرازی کی والدہ ماجدہ کے انتقال پر ان سے اظہار تعزیت

منگل 5 اگست 2025 20:35

پشاور(اُردو پوائنٹ اخبارتازہ ترین - این این آئی۔ 05 اگست2025ء)وزیرِاعلیٰ خیبرپختونخوا کے مشیر برائے اطلاعات و تعلقاتِ عامہ بیرسٹر ڈاکٹر محمد علی سیف نے پشاور پریس کلب کا دورہ کیا، جہاں انہوں نے سینئر صحافی سید ظاہر شاہ شیرازی کی والدہ ماجدہ کے انتقال پر ان سے اظہار تعزیت کیا۔

(جاری ہے)

اس موقع پر انہوں نے مرحومہ کی روح کے ایصالِ ثواب کے لئے فاتحہ خوانی کی اور دعا کی کہ اللہ رب العزت مرحومہ کے درجات بلند کرے اور انکو اپنے جوارِ رحمت میں جگہ عنایت فرمائے۔مشیرِ اطلاعات نے لواحقین اور پسماندگان کے لئے بھی دعا کی کہ اللہ تعالیٰ ان کو صبرِ جمیل اور اجرِ عظیم عطا فرمائے، اور اس صدمے کو آسان فرماتے ہوئے انہیں اپنی خاص رحمت اور سکینت سے نوازے۔