ایبٹ آباد،ایف آئی اے نے ں حج و عمرہ کے نام پر کروڑوں روپے کا فراڈ کرنے والے شخص کو گرفتار کر لیا

جمعہ 8 اگست 2025 10:50

ایبٹ آباد (اُردو پوائنٹ اخبارتازہ ترین - اے پی پی۔ 08 اگست2025ء) ایف آئی اے نے حج و عمرہ کے نام پر کروڑوں کا فراڈ کرنے والے شخص کو گرفتار کر لیا۔ ایف آئی اے کمرشل کرائم سرکل ایبٹ آباد نےکارروائی میں سید شہاب الدین کو گرفتار کر لیا۔

(جاری ہے)

ملزم پر الزام ہے کہ اس نے متعدد شہریوں کو جعلی حج و عمرہ پیکجز کا جھانسہ دےکر 80 لاکھ روپے سے زائد کا فراڈ کیا اور مجموعی طور پر کروڑوں روپے بٹورے۔ حکام کے مطابق ملزم کے خلاف مقدمہ درج کر لیا گیا ہے۔گرفتار ملزم کو ایف آئی اے تھانے منتقل کر کے مزید تفتیش شروع کر دی گئی ہے۔ ترجمان ایف آئی اے نے شہریوں کو خبردار کرتے ہوئے کہا کہ وہ فراڈی عناصر سے ہوشیار رہیں اور کسی بھی مشکوک سرگرمی کی فوری اطلاع ایف آئی اے کو دیں۔