پنجاب میں ضمنی انتخابات رینجرز کی سکیورٹی میں کرانے کا فیصلہ

اتوار 17 اگست 2025 15:55

اسلام آباد (اُردو پوائنٹ اخبارتازہ ترین - این این آئی۔ 17 اگست2025ء)الیکشن کمیشن نے پنجاب میں ضمنی انتخابات پر رینجرز تعیناتی کا فیصلہ کرلیا، لاہور، وزیرآباد اور میانوالی کے ضمنی انتخابات میں پولنگ اسٹیشن کے باہر رینجرز کی تعیناتی کیلئے محکمہ دخلہ پنجاب کو خط لکھ دیا۔ذرائع نے بتایا کہ الیکشن کمیشن نے پنجاب میں ضمنی الیکشن رینجرز کی سیکیورٹی میں کرانے کا فیصلہ کیا گیا ہے۔

الیکشن کمیشن نے 17 سے 19 ستمبر تک پولنگ اسٹیشنز کے باہر رینجرز کی سیکیورٹی تعینات کرنے کے لیے محکمہ داخلہ کو خط لکھ دیا ہے۔

(جاری ہے)

ذرائع کے مطابق رینجرزکی تعیناتی آرٹیکل220کے تحت الیکشن کمیشن کی معاونت کے لیے ہوگی، خط کے مطابق انتخابات کے پٴْرامن انعقاد کے لیے رینجرز کی تعیناتی مانگی کی گئی ہے۔ذرائع کے مطابق این اے 66 وزیر آباد، این اے 129 لاہور اور پی پی 87 میانوالی میں18ستمبر کو ضمنی انتخابات شیڈول ہے۔پی ٹی آئی رہنمامیاں اظہرکے انتقال کے باعث حلقہ این ای129کی نشت خالی ہوئی جبکہ این اے 66 کی نشست پی ٹی آئی رہنمامحمد احمدکی نااہلی کے نتیجے میں خالی ہوئی، اسی طرح پی ٹی آئی کے ملک احمد خان کی نااہلی پر پی پی 87 میانوالی کی نشت خالی قرار دی گئی۔