امریکی شہر اٹلانٹا میں فائرنگ سے پولیس افسر ہلاک

پولیس کو عمارت کی دوسری منزل پر مشتبہ شخص کی لاش ملی ہے،تحقیقات جاری

ہفتہ 9 اگست 2025 14:51

واشنگٹن (اُردو پوائنٹ اخبارتازہ ترین - این این آئی۔ 09 اگست2025ء)امریکی شہر اٹلانٹا میں سینٹر فار ڈیزیز کنٹرول اینڈ پریوینشن کے ہیڈ کوارٹر کے باہر فائرنگ سے ایک پولیس اہلکار ہلاک ہوگیا۔

(جاری ہے)

امریکی میڈیا کے مطابق امریکی شہر اٹلانٹا میں ایموری یونی ورسٹی اور سینٹر فار ڈیزیز کنٹرول اینڈ پریوینشن کیمپسز کے باہر ایک مسلح شخص نے فائرنگ کر کے ایک پولیس اہلکار کو قتل کر دیا۔پولیس کو عمارت کی دوسری منزل پر مشتبہ شخص کی لاش ملی ہے۔لاش کے حوالے سے پولیس کا کہناتھا کہ ابھی یہ واضح نہیں کہ مشتبہ شخص پولیس فائرنگ کے تبادلے میں مارا گیا یا اس نے خود کشی کی۔فائرنگ کے واقعے میں کسی اور شہری کی ہلاکت یا زخمی ہونے کی کوئی اطلاع نہیں ملی۔