بی سی بی نے سابق آئی سی سی اے سی یو کے سربراہ الیکس مارشل کو انسداد بدعنوانی یونٹ میں شامل کرلیا

ڈھاکہ (اُردو پوائنٹ اخبارتازہ ترین - اے پی پی۔ 10 اگست2025ء) بنگلہ دیش کرکٹ بورڈ (بی سی بی)نے عالمی کرکٹ کے انسداد بدعنوانی یونٹ (اے سی یو) کے سابق آئی سی سی سربراہ الیکس مارشل کو آئندہ ایک سال کے لئے اپنے اے سی یو آپریشنز کی نگرانی کے لئے مشیر مقرر کیا ہے۔یہ فیصلہ ہفتے کو شیر بنگلہ نیشنل کرکٹ سٹیڈیم میں تقریباً 6 گھنٹے تک جاری رہنے والی میٹنگ کے دوران کیا گیا، جہاں کئی دیگر اہم امور پر بھی تبادلہ خیال کیا گیا۔

بی سی بی کی میڈیا کمیٹی کے چیئرمین افتخار رحمان نے میٹنگ کے بعد صحافیوں کو بتایاکہ ہم نے ایک سال کے لئے ایلکس مارشل کو اپنے اے سی یو آپریشنز کی نگرانی کے لئے مقرر کیا کیونکہ ہمیں لگتا ہے کہ ہمیں اپنی اے سی یو سرگرمیوں کو بڑھانے کی ضرورت ہے۔ انہیں مزید چوکس رہنے اور مزید تربیت حاصل کرنے کی ضرورت ہے۔

(جاری ہے)

انہوں نے مزید کہا کہ ہمیں بدعنوانی کے حوالے سے بہت سی شکایات موصول ہو رہی ہیں۔

اس لئے آئندہ ایک سال تک کے لئے ایلکس مارشل کو اپنے اے سی یو آپریشنز کی نگرانی کے لئے مقرر کیا گیا ہے ۔ ہم صرف اپنی افرادی قوت کو بڑھانا، ایک مناسب ٹرینر لانا، اور اپنی اے سی یوسرگرمیوں کو مزید مضبوط کرنا چاہتے ہیں ۔انہوں نے مزید کہا کہ ہمیں لگتا ہے کہ ہمارے اے سی یو کو مضبوط بنانے کی ضرورت ہے، انہوں نے اس بات کی بھی تصدیق کی کہ آئی سی سی کا انٹیگریٹی یونٹ آئندہ بنگلہ دیش پریمیئر لیگ (بی پی ایل) کی نگرانی کرے گا۔

"وہ اسے آئی سی سی کی سالمیت یونٹ کہتے ہیں جو آئندہ بی پی ایل کی نگرانی کرے گا۔فکسنگ تنازعات نے برسوں سے بی پی ایل کی ساکھ کو داغدار کیا ہے۔ حال ہی میں، بی سی بی نے ٹورنامنٹ کے آخری ایڈیشن سے فکسنگ کے الزامات کی تحقیقات کے لیے ایک آزاد تحقیقاتی کمیٹی تشکیل دی تھی۔دیگر فیصلوں میں بی سی بی نے ٹونی ہیمنگ کو دو سال کے لیے ٹرف مینجمنٹ کا سربراہ نامزد کیا ہے ۔

ڈھاکہ میٹرو کو نیشنل کرکٹ لیگ (این سی ایل) کے چار روزہ مقابلے سے ہٹا دیا گیا ہے اور ان کی جگہ نئے تشکیل شدہ میمن سنگھ ڈویژن نے لی ہے۔ تاہم ڈھاکہ میٹرو اب بھی 14 ستمبر سے شروع ہونے والے این سی ایل ٹی -20مقابلے میں شرکت کرے گی۔بورڈ نے مکمل اصلاحات کے حصے کے طور پر اپنی سابقہ علاقائی کمیٹی کے ڈھانچے کو بھی تحلیل کر دیا ہے ۔بی سی بی کے محمود الحسن مٹھو نے کہا کہ ہم سب کچھ منسوخ کر کے علاقائی اداروں کے لیے ایک نیا ڈھانچہ بنانا چاہتے ہیں۔

بی سی بی حکام نے تصدیق کی کہ تمام سابقہ نادہندگان کے خلاف قانونی کارروائی کی جائے گی، بشمول فرنچائزز اور سپانسرز، کیونکہ بورڈ گزشتہ سال سے بقایا عدم ادائیگی کے مسائل کو حل کرنا چاہتا ہے۔افتخار رحمان نے مزید کہا کہ ٹیموں، سپانسرز اور دیگر جنہوں نے ہمیں مناسب ادائیگی نہیں کی ، ہم ان کے خلاف قانونی کارروائی کریں گے۔محمود الحسن مٹھو نے مزید کہاکہ یہ ایک شرمناک مسئلہ بن گیا ہے۔

ہم نے ڈرافٹ کیے گئے کھلاڑیوں کو ادائیگی کی، لیکن اب ہمیں براہ راست دستخط شدہ کھلاڑیوں اور کوچز سے خطوط مل رہے ہیں۔ ہم نے انہیں ادائیگی کرنے کا فیصلہ کیا ہے۔بی سی بی نے سپورٹس فزیالوجسٹ ڈیوڈ سکاٹ کے معاہدے میں بھی توسیع کی اور پاور ہٹنگ کوچ جولین وڈ کے لیے تین ماہ کے معاہدے کی منظوری دی۔تاہم بورڈ بی پی ایل کے اگلے ایڈیشن کے لیے ایونٹ مینجمنٹ کمپنی کو حتمی شکل نہیں دے سکا۔افتخار رحمان نے کہاکہ کل پانچ دلچسپی رکھنے والی کمپنیوں نے بی پی ایل کے ایونٹ مینجمنٹ کے لیے درخواست دی تھی۔ ہم اسے اگلے دو سے تین دنوں میں حتمی شکل دیں گے۔\932