ح*لاہور میں اشیائے ضروریہ کی قیمتوں میں نمایاں کمی، نیا نوٹیفکیشن جاری

گ*دالیں، بیسن اور چنے سستے، دودھ، مٹن، بیف اور روٹی کی قیمتیں برقرار، چاول مہنگا

اتوار 10 اگست 2025 19:00

ق*لاہور (اُردو پوائنٹ اخبارتازہ ترین - آن لائن۔ 10 اگست2025ء) لاہور کی ضلعی انتظامیہ نے عوام کو ریلیف دینے کے لیے اشیائے ضروریہ کی قیمتوں کا نیا نوٹیفکیشن جاری کر دیا، جس کے تحت متعدد اشیاء کی قیمتوں میں نمایاں کمی کی گئی ہے۔

(جاری ہے)

ڈپٹی کمشنر لاہور سید موسیٰ رضا کی ہدایت پر طلب و رسد میں توازن پیدا کرنے کے نتیجے میں دال چنا اسپیشل 20 روپے کمی کے بعد 275 روپے فی کلو، دال ماش دھلی ہوئی 40 روپے کمی سے 410 روپے، دال مونگ 60 روپے کمی کے بعد 325 روپے، بیسن 30 روپے کمی کے بعد 270 روپے، کالا چنا موٹا 20 روپے کمی سے 260 روپے، جبکہ سفید چنا 15 روپے کمی کے بعد 295 روپے فی کلو ہو گیا۔

ضلعی انتظامیہ کے مطابق دال مسور، دودھ، مٹن، بیف اور روٹی کی قیمتیں مستحکم رہیں، جبکہ چاول کی قیمت میں اضافہ ریکارڈ کیا گیا ہے۔ڈپٹی کمشنر نے ہدایت کی کہ تمام دکاندار نئی قیمتوں کی فہرست نمایاں جگہ پر آویزاں کریں۔ ان کا کہنا تھا کہ شہریوں کو ریلیف فراہم کرنا اولین ترجیح ہے اور مقررہ نرخنامے پر عمل درآمد ہر صورت یقینی بنایا جائے گا۔