مناکو کے سائیکلسٹ وکٹر لینگلوٹی نے ٹور ڈی پولونے سائیکل ریس کا چھٹا مرحلہ جیت لیا

پیر 11 اگست 2025 14:05

وارسا(اُردو پوائنٹ اخبارتازہ ترین - این این آئی۔ 11 اگست2025ء)مناکو کی30سالہ سائیکلسٹ وکٹر لینگلوٹی نے ٹور ڈی پولونے سائیکل ریس 2025کا چھٹا مرحلہ جیت لیا،اس طرح انہوں نے ٹور ڈی پولونے سائیکل ریس میں پہلی فتح اپنے نام کر لی۔ پولینڈ سے ٹورڈی پولونے سائیکل ریس کا 82 واں ایڈیشن شروع ہوچکا ہے جس میں دنیا بھر کی سائیکلنگ کی 22ٹیموں کے نامور سائیکل سوار ٹائٹل کے حصول کے لئے کوشاں ہیں۔

ریس کے چھٹے مرحلے میں سائیکل سواروں نے پولینڈ میں بوکوینہ ریزورٹ سے بکووینا تاٹرزانسکا تک 147.5کلو میٹر کا فاصلہ طے کرنا تھاجو پہاڑی راستے پر محیط تھا۔30 سالہ مناکو کے سائیکلسٹ وکٹر لینگلوٹی نے عمدہ سائیکلنگ کا مظاہرہ کرتے ہوئے امریکا کے 27 سالہ سائیکلسٹ برینڈن میکنلٹی کوشکست دیتے ہوئے پہلی پوزیشن حاصل کی،27 سالہ امریکی سائیکلسٹ برینڈن میکنلٹی ریس میں دوسرے نمبر پر رہے جبکہ 35 سالہ ہسپانوی سائیکل سوار پیلو بلباؤ نے تیسری پوزیشن حاصل کی۔

(جاری ہے)

ریس کے ابتدائی مرحلے میں کامیابی کے ساتھ نیدرلینڈزکے سائیکلسٹ اولاو کویج نے یلو جرسی حاصل کی تھی جو فرانس کیسائیکلسٹ پال لاپیرا نے دوسرا مرحلہ جیتنے کے ساتھ اولاو کویج سے یلوجرسی چھین لی تھی جس پر ان کا قبضہ ریس کے پانچویں مرحلے تک رہا تاہم چھٹے مرحلے میں مناکو کی30سالہ سائیکلسٹ وکٹر لینگلوٹی نے کامیابی کے ساتھ فرانس کے سائیکلسٹ پال لاپیرا سے یلو جرسی بھی چھین لی ہے۔ یہ ریس 7 مرحلوں پر محیط ہے جس میں سائیکل سوار 1075.9کلو میٹر کا سفر طے کریں گے۔