کسی فریم ورک پر پہنچے بغیر آئی اے ای اے عہدیدار کو جوہری تنصیبات کا دورہ نہیں کرائیں گے، ایران

پیر 11 اگست 2025 18:08

تہران(اُردو پوائنٹ اخبارتازہ ترین - این این آئی۔ 11 اگست2025ء)عالمی جوہری توانائی ایجنسی کا عہدیدار مذاکرات کے لیے ایران پہنچ گیا،ایرانی وزیر خارجہ عباس عراقچی کا کہنا ہے کہ کسی بنیادی ڈھانچے پر پہنچے بغیر آئی اے ای اے (انٹرنیشنل اٹامک انرجی ایجنسی)کے عہدیدار کو ایرانی جوہری تنصیبات کا دورہ نہیں کرایا جائے گا۔

(جاری ہے)

عباس عراقچی نے کہا ہے کہ عالمی ادارے سے تعاون کے فریم ورک میں آئی اے ای اے حکام سے بات چیت ہو گی۔گزشتہ ماہ ایرانی پارلیمنٹ نے عالمی ایٹمی توانائی ایجنسی سے تعاون معطل کرنے کا قانون پاس کیا تھا۔ آئی اے ای اے کا ایرانی جوہری تنصیبات کا دورہ اب ایرانی سپریم نیشنل سکیورٹی کونسل کی منظوری سے ہو گا۔