تھانہ شہزاد ٹا ؤن پولیس کا سرچ آپریشن ،مشتبہ شخص گرفتار ،تھانے منتقل

منگل 12 اگست 2025 21:20

اسلام آباد (اُردو پوائنٹ اخبارتازہ ترین - این این آئی۔ 12 اگست2025ء)تھانہ شہزاد ٹا ؤن پولیس نے سرچ آپریشن کے دوران31افراد،27 گھروں،7دوکا نو ں کو چیک کرتے ہوئے ایک مشتبہ شخص کو گرفتار کر کے تھانے منتقل کردیا۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں اسلام آباد پولیس کا وفاقی دارلحکومت میں جرائم کے انسداد اور جرائم پیشہ عناصر کی سرکوبی کیلئے مختلف علاقوں میں سرچ اور کومنگ آپریشنز کا سلسلہ جاری ہے،اس سلسلہ میں تھانہ شہزاد ٹاؤن کے مختلف علاقوں میں گرینڈسرچ اینڈ کومنگ آپریشن کے دوران31افراد،27گھروں،07دوکا نو ں کو چیک کیا گیا، سر چ آپریشن کے دوران ایک مشتبہ شخص کو تھا نہ منتقل کیا گیا،ڈی آئی جی اسلام آ باد محمد جو اد طا رق نے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے، انہوں نے مزید کہا کہ سرچ آپریشنز ضلع بھر کے مختلف علاقوں میں کئے جارہے ہیں، اسلام آباد پولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کارروائیوں کا سلسلہ جاری ہے، شہریوں سے گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن''پکار-"15پر فوری اطلاع دیں۔